Elbasani i Sejdinit, per nje trofe

Elbasani eshte ekipi tjeter, qe zhvilloi merkaton me te forte ne muajin janar. Pas humbjes qe pesoi kjo skuader ne Lushnje, klubi shkarkoi trajnerin Mirel Josa, per rezultate te dobeta dhe emeroi Faruk Sejdinin. Ne diten e pare te punes, ish-dinamoviti deklaroi se do te kerkoje te sjelle titullin kampion ne Elbasan. Sipas Faruk Sejdinit, Elbasani perbehet nga lojtare cilesore dhe qe do te jene ne gjendje te fitojne te gjitha ndeshjet e kampionatit, per te rikthyer pse jo, brenda ketij vitit titullin kampion. Ne fakt, Elbasani, edhe nga distanca aktuale me kryesuesit, nuk shihet si nje ekip pretendent. Sipas lojtareve, trofeu i kupes eshte objektivi qe mund te arrihet. Skerdi Bejzade eshte demtuar ne Lushnje, ne ndeshjen e fundit te kampionatit. Sulmuesi nuk eshte paraqitur ne stervitje, duke qene mungesa e vetme e ekipit te tij, ne ditet e fundit te javes. Sakaq, epoka e trajnerit Sejdini ne krye te Elbasanit pritet me interes. Mbeshtetja e tifozeve te Elbasanit, kundrejt ekipit te tyre, ka qene e madhe gjate viteve te fundit. Pas largimit, trajneri Mirel Josa eshte shprehur i pakenaqur, pasi ne pjesen e pare te kampionatit Elbasani nuk kishte kontingjentin aktual. I habitur per vendimin, Josa e cilesoi humbjen ne Lushnje, si pjese e futbollit dhe se ecuria e metejshme nuk duhej bazuar ne nje rezultat te vetem.