Eleonora kerkon azil ne SHBA

Drejtuesja e misionit "shenjteror" qe mban emrin e saj, ka kerkuar azil ne Shtetet e Bashkuara te Amerikes. Lajmi konfirmohet nga Lidhja Hyjnore e Vakefit te Shenjte "Eleonore" dhe burime prane besimtareve dhe anetaresise se ketij misioni. Zyrtaret ne seline qendrore ne Tirane, duke pohuar dje per "Koha Jone", faktin e aplikimit per azil, nenvizuan se kjo erdhi pas situatave qe kaloi disa muaj me pare Eleonora Bregu, kur u denoncua prej saj tentativa per ta helmuar. Gjithsesi, nenkryetari i misionit, Roel Zhitoni, deklaroi per "Koha Jone", se ne diten ne vazhdim do te jepen informacione te tjera, lidhur me kete hap.
Sipas te dhenave, Eleonora Bregu, drejtuese e misionit spiritual, ka mberritur ne Shtetet e Bashkuara te Amerikes, me 28 qershor te vitit qe shkoi. Ajo ka mberritur ne aeroportin e Uashington DC me nje vize tremujore e cila skadonte me 28 shtator 2007. Me 1 tetor te vitit te kaluar, nepermjet nje avokati, Eleonora ka dorezuar ne zyren e Emigracionit, nje aplikacion per axhustimin/ndryshimin e statusit nga vize Turistike ne vize studentore (Status F1).
Formulari nga emigracioni te cilin ajo plotesoi per kete rast, vijojne te dhenat e ofruara nga anetare te misionit te saj, quhet "I-539". "Gjithashtu, ajo u regjistrua ne nje shkolle per mesimin e gjuhes angleze dhe ka marre pjese ne te. Kjo eshte hallke e domosdoshme e ndryshimit te vizes ne vize studenti. Keto hapa ndermerren si nje procedure per te fituar kohe ne pergatitjen e aplikacionit te azilit politik ne Shtetet e Bashkuara te Amerikes. Nderkohe, Eleonora ka nisur hapat per aplikimin per azil, mbi bazen e persekutimit fetar, nje nenklauzole e aplikacionit/formularit per azil ne SHBA.
Eleonora Bregu ka themeluar me 20 korrik 1987, Misionin Shenjteror 'Eleonore", i cili e ka emertesen zyrtare Lidhja Hyjnore e Vakefit te Shenjte Eleonore. Sipas te dhenave zyrtare, "misioni erdhi permes nje komunikimi pergjate kontaktit te pare spiritual te Zonjes se Shpirtit me Entitetin. Ne kete takim spiritual, Entiteti aktualizoi vullnetin Hyjnor, sipas te cilit Zonja duhej te fillonte aktivitetin e larte spiritual, me qellim: Zbritjen dhe rivendosjen e ekuilibrit ne Toke, rilidhjen e planetit me Qiellin...".
Misioni thote se si Levizje e Re ka si qellim kryesor te ushtroje veprimtari spirituale, humanitare, si dhe perteritjen e ekuilibrit dhe te kualitetit te jetes ne pergjithesi. "Ai eshte i hapur ne menyre te plote e te barabarte per te gjitha kombesite, racat, religjionet, shtresat shoqerore, perkatesite politike e kulturore, etj.". Eleonora, e vetedeklaruar si Zonja e Shpirtit, deklaron ne faqen e internetit te misionit, se Lidhja Hyjnore e Vakefit te Shenjte Eleonore, "ka 723000 anetare shpirterore qe luten cdo dite per paqen e kombit dhe mos lendimin e zemrave te tyre".

SIPAS ELEONORES
Cfare ben Misioni "i Shenjte"
Eleonora Bregu pretendon se "Lidhja Hyjnore e Vakefit te Shenjte Eleonore, ka 723 mije anetare shpirterore". Nje nga vecantite e punes spirituale te kryer nga Zonja e Shpirtit, per te rritur Emetimin e Niveleve Qiellore, ne funksion te zgjidhjes se problemeve te ndryshme qe jane ne trajtim (me natyre individuale per lutesin, kombetare, rajonale apo nderkombetare) eshte lidhja me Qendrat Energjetike Dinamiko-Kozmike ballkanike. Bregu thote se me ane te tyre, "zvogelojme rreziqet natyrore apo njerezore, sic jane lufterat qe te kursejme jetet, qe do te mund te kumbisnin nese nuk nderhyhet menjehere".
Bregu pretendon edhe se ne rajonin e Ballkanit ndodhen 11 qendra te ketij lloj, te cilat "jane vene ne funksion nga Puna Spirituale e Zonjes se Shpirtit per trajtimin e problemeve sociale".

PRETENDIMET
"Puna Spirituale e Zonjes se Shpirtit"
- Ndihme per mbrojtjen e Jetes dhe Paqes Nderkombetare (lutjet kryhen ne vazhdim qe prej disa vitesh).
- Frenimi i trafikut te qenieve njerezore (proces i cili eshte ne vazhdim)
- Zvogelimi i problemit nacional ne Maqedoni dhe mosperhapja e konfliktit ne Ballkan, (gusht 2001)
- Mbrojtja e vendit tim nga krimi, agjentet kimik e bakteriologjik dhe mbrojtja e jetes se vajzave dhe grave shqiptare (prill-qershor 2002)
- Mbrojtja e jeteve njerezore dhe minimizimi i pasojave te termetit ne Turqi (shkurt 2003)

Eleonora, denoncimi per helmim
Buje beri vitin e kaluar me 24 maj, lajmi se Eleonora Bregu ishte sulmuar sipas saj ne mesnate, nga dy persona te paidentifikuar, te maskuar dhe me veshje te posacme per te mos lene gjurme. Sipas misionit, disa ore me vone, Bregu u gjet me konvulsione, te vjella, diarre dhe djersitje. Mjeket i dhane ndihmen, duke deklaruar se "konvulsionet duhet te ishin shenjat e fundit te jetes se saj". Bregu deklaroi atehere se, sipas saj, autoret i futen me dhune ne goje nje shishe me helm. Ne kete pike, Eleonora pretendon se "te Shenjtet punuan per t'i mbrojtur trurin, zemren dhe organet vitale". Per arsye sigurie, me 25 maj Bregu u largua ne Turqi, ku, sipas saj, mjeket i thane se ishte helmuar me Benzodiazepine, substance gjume-ndjelles.