Propozimi, tre skemat e reja te pensioneve

Se shpejti pensionet ne vendin tone do te funksionojne sipas nje skeme te re. Ministri i Financave, Ridvan Bode, u shpreh dje, gjate tryezes "Reforma ne sistemin e Pensioneve", se eshte e nevojshme nderhyrja ne skemen aktuale te sigurimeve shoqerore, ne menyre qe kjo te behet terheqese per publikun. "Funksionimi dhe qendrueshmeria e skemes aktuale ne vitet e ardhshme duket se do te jete problematike", deklaroi ministri i Financave. Sipas tij me teresine e problematikes qe ajo paraqet aktualisht ka bindur te gjitha palet per domosdoshmerine e fillimit te reformes ne sistemin e pensioneve ne Shqiperi. Tryeza e djeshme e organizuar me eksperte te vendeve te rajonit si dhe perfaqesuesit e Bankes Boterore eshte fillimi i nje reforme te thelle, qe pritet te perfshije skemen e pensioneve ne vendin tone. Keshtu, qellimi kryesor i ndryshimeve qe do t'i behen sistemit aktual, ka si qellim kryesor qe te siguroje mbrojtjen e te moshuarve nga varferia. Se dyti, reformat do te mundesojne zgjedhjen individuale per nje shperndarje te shpenzimeve te konsumit gjate gjithe jetes, si dhe te mundesoje nje funksion sigurie te skemes.
Brenda nje periudhe te shkurter kohore, pensionet do te paguhen sipas nje skeme krejtesisht te re dhe te pa aplikuar me pare ne vendin tone. Sistemi i pensioneve do te ndahet ne tre kolona, e para eshte skema e kontribute te detyrueshme - pensione te caktuara, e dyta eshte ajo e kontributeve te detyrueshme qe administrohet nga skemat e pensioneve private dhe e treta eshte skema e pensioneve private, qe financohet nga kontributet vullnetare. Dy nga skemat aplikohen ne vendin tone, ndersa njera, ajo e pensioneve private, qe financohet nga kontributet qe derdhen ne shtet, nuk aplikohet per momentin ne Shqiperi. Pikerisht ne mbeshtetje te kesaj skeme do te punoje qeveria per te kanalizuar pensionet ne skemat private. Me konkretisht, sipas ketij projekti, te gjithe te punesuarit do te vazhdojne te paguajne kontributet e detyrueshme te sigurimeve shoqerore ne shtet, por do te jete qeveria ajo qe do te percaktoje sa per qind e kesaj shume do t'u kaloj ne perdorim institucioneve private. Pra, nje pjese e ketyre parave do te kaloje ne buxhet, ndersa pjesa tjeter ne administrim te institucioneve qe do te ngrihen per skemen e pensioneve private. Kjo do te thote qe ne mbeshtetje te kesaj skeme do te ngrihen institucione te reja qe do te menaxhojne keto fonde.
E vecanta e kesaj reforme nuk eshte vetem fakti qe prek interesa te gjera te publikut, por para se gjithash per vete shtrirjen e implementimit te saj qe shkon deri ne 30 vjet. "Sigurisht qe qeveria eshte kryesore ne kete proces dhe ajo ka shprehur tashme vullnetin per te iniciuar kete reforme. Do te ishte i pamjaftueshem vetem vullneti dhe zgjedhja e qeverise pa perfshire ne te, te gjithe aktoret politike e shoqerore te vendit. Reforma duhet pergatitur e cuar perpara permes nje vendimmarrje e implementimi konsensual politik e social. Frytet e verteta te reformes duan kohen e tyre dhe do t'i gezojne me se shumti gjenerata e re e tregut te punes", deklaroi Bode. Tryeza e diskutimeve do te vazhdoje edhe gjate dites se sotme ku pritet qe te saktesohet se cili prej varianteve te diskutuar eshte me i pershtatshem per Shqiperine.