Emergjencat:“Situaten e kemi nen kontroll”
Pavaresisht reshjeve te debores se dy diteve me pare, situata ne vend eshte normalizuar. Drejtori i Emergjencave Civile prane Ministrise se Brendshme, Alfred Olli, lidhur me situaten ne vend deklaroi dje se jane marre te gjitha masat per te evituar cdo lloj situate emergjente, qe mund te krijohet ne ditet e ardhshme nga i ftohti qe ka perfshire vendin tone. “Situata e krijuar ne disa nga segmentet rrugore, nga reshjet e bores qe shoqeruan diten e djeshme, tashme mund te quhet e normalizuar”, theksoi Olli, sipas te cilit pervec veshtiresive te paraqitura ne qarkullimin e makinave, nuk pati deme ne njerez. Olli vleresoi gjithashtu edhe angazhimin maksimal te te gjithe strukturave shteterore, duke vecuar ketu strukturat e Policise se Shtetit ne perballimin e situates dhe sidomos te punonjesve te qarkullimit rrugor. “Gjate gjithe nates se mbremshme dhe sot (dje) ne kemi mbajtur kontakte te vazhdueshme me prefektet e te gjithe qarqeve ne vend, prej te cileve marrim informacion per gjendjen, perfshi ketu edhe zonat e thella malore", theksoi ai. Sipas Ollit, nga ana e kesaj drejtorie jane marre te gjitha masat per te evituar edhe cdo lloj situate emergjente, qe mund te krijohet ne ditet e ardhshme. Reshje te dendura te debores u regjistruan gjate 24 oreve te fundit ne rrethet; Gjirokaster, Tepelene, Mallakaster, Fier, Vlore, Durres, Tirane, Elbasan etj., ku pati edhe veshtiresi ne qarkullimin e automjeteve, si pasoje e ngricave te krijuara.
Si te evitoni aksidentet:
Qafa e Krrabes, rekomandohet ecje e kujdesshme dhe kalimi i mjeteve me zinxhire
Qafa e Llogarase, rekomandohet ecje e kujdesshme dhe kalimi i mjeteve me zinxhire
Qafa e Muzines, rekomandohet ecje e kujdesshme dhe kalimi i mjeteve me zinxhire
Qafa e Thanes, rekomandohet ecje e kujdesshme dhe kalimi i mjeteve me zinxhire
Aksi Fier – Ballsh, rekomandohet ecje e kujdesshme nga drejtuesit e mjeteve
Aksi Ballsh-Tepelene, rekomandohet ecje e kujdesshme dhe kalimi i mjeteve me zinxhire
Aksi Tepelene- Gjirokaster, rekomandohet ecje e kujdesshme dhe kalimi i mjeteve me zinxhire