Qarkullimi rrugor, ja akset e rrezikshme
TIRANE - Te gjitha rruget ne te gjithe vendin jane te kalueshme. Kete gje e ka bere te ditur dje drejtori i Pergjithshem i Policise Rrugore, Ajet Ibro. Ulja e temperaturave gjate 24 oreve te fundit, e shoqeruar kjo edhe me reshje bore dhe ngrica, ka veshtiresuar qarkullimin, por nuk ka bllokime. “Aktualisht, segmentet rrugore ne te gjithe territorin e vendit jane te kalueshme, nderkohe qe ne disa prej tyre qarkullimi i makinave eshte i detyrueshem me zinxhire”, beri te ditur dje komisar Ajet Ibro. Sipas tij, per shkak te ngricave te krijuara nga ulja e temperaturave gjate 24 oreve te fundit, qarkullimi i mjeteve me zinxhir eshte i detyrueshem ne akset rrugore, si ne Llogara (Vlore), Qafe-Muzine (Sarande), Mallakaster-Tepelene, Tirane –Elbasan, ne Qafe-Krrabe, Elbasan-Pogradec ne Qafe-Thane dhe ne veri te vendit ne Qafen e Malit. Komisar Ibro theksoi se seksionet e policise rrugore jane ne detyre per kontrollin e automjeteve ne keto segmente, duke qene ne kontakt me entin kombetar te rrugeve per t'i paraprire cdo lloj situate qe mund te paraqitet. Komisar Ibro deklaroi se “sherbimet e policise rrugore kane qene te pranishme gjate gjithe nates, ne te gjitha segmentet rrugore te vendit, duke bere edhe keshillimet e rastit per te gjithe drejtuesit e mjeteve”. “Ne te gjitha qarqet e vendit, me te gjitha sherbimet e policise rrugore, jemi ne kontakte te vazhdueshme”, nenvizoi Ibro, sipas te cilit po ushtrohen kontrolle te rrepta per te ndaluar qarkullimin e mjeteve ne raste te vecanta, kur ai eshte i rrezikshem, sic ishte rasti kur eshte devijuar qarkullimi i mjeteve nga Qafe-Krraba ne drejtim te Durresit.
A.C