Emigrantet, shkurtohet koha e pajisjes me pasaporta

TIRANE - Emigrantet e ardhur me rastin e Pashkeve ne Tirane do te kene nje sherbim korrekt nga strukturat perkatese te policise dhe ne kohe teper te shpejte per dhenien e pasaportave. Drejtoria e Policise se Tiranes beri te ditur gjate dites se djeshme se sportelet e aplikimit te te gjitha komisariateve, perfshi edhe Kavajen, po ashtu edhe ato te shperndarjes se pasaportave, do te jene hapur te henen, me date 28 prill 2008, nga ora 09:00 deri ne oren 13:00. Drejtoria e Policise tha se keto masa jane marre me qellim pershpejtimin e prodhimit te pasaportave, per te perballuar ne kohe reale nevojat e emigranteve shqiptare ne afat me te shkurter se pese dite, ndersa ne rast emergjence ne me pak se 3 dite. Nderkohe edhe ne Drejtorine e Policise se Qarkut te Gjirokastres jane marre masa per te shkurtuar kohen e pajisjes se emigranteve me pasaporta. Zedhenesi Gentian Mullai pohon se jane shtuar sportelet ne pritje te aplikimeve nga emigrantet qe mberrijne per te festuar Pashket.

A. Cena