Emri, Gruevski: Populli thotë fjalën e fundit

Shkup -Kryeministri, Nikolla Gruevski deklaroi të dielën se Maqedonia është e përgatitur ti vazhdojë negociatat me Greqinë për zgjidhjen e çështjes së emrit. Ai theksoi se, nëse arrihet kompromis për një propozim të ri për emrin, ai do të shkoj në referendum, për të cilin populli do ta thotë fjalën e fundit.

“Maqedonia është duke dhënë maksimumin për të gjetur një zgjidhje për emrin e cila nuk do të jetë në dëm të interesave kombëtare dhe shtetërore. Nëse arrihet kompromis, atëherë do të organizohet referendum në të cilin do të shprehen qytetarët e Republikës së Maqedonisë. (ina)