Emri i Maqedonise, propozim i ri i OKB-se
Ndermjetesi i OKB-se, per emrin e Maqedonise, Matthew Nimetz, paraqiti dje ne Greqi nje propozim te ri qeverive te Greqise dhe Maqedonise per te zgjidhur mosmarreveshjen mes dy vendeve, dy muaj para konferences se NATO-s. "Paraqita nje propozim per kompromis, qe nuk u pergjigjet qind per qind asnjeres nga palet", por "eshte i drejte dhe i denje per zgjidhjen e problemit", deklaroi Nimetz, pas takimit me negociatorin grek dhe ate maqedonas.
Greqia bllokon qe nga viti 1991 njohjen nderkombetare te Maqedonise me kete emer, duke e konsideruar si pjese te trashegimise se saj kombetare. Ndermjetesi ne fjale ka refuzuar te jape cdo detaj lidhur me permbajtjen e propozimit te tij. Por, sipas mediave greke, ai ka te beje me nje emertim te dyfishte te ish-republikes jugosllave. Njeri emertim do te perdoret ne marredheniet me Greqine dhe organizatat nderkombetare, ndersa tjetri (Republike e Maqedonise), do te kete perdorim te brendshem dhe ne marredheniet dypaleshe.
Ne vitin 1993, Maqedonia u pranua ne OKB me emertimin e perkohshem, ish-Republika Jugosllave e Maqedonise, por Greqia ka kercenuar te kundershtoje me veto anetaresimin e saj ne NATO, nese nuk gjendet nje zgjidhje deri ne konferencen e Bukureshtit, me 2 prill. OKB-ja ka ndermjetesuar per kete ceshtje qe nga viti 1993, por pa sukses. Gjate kesaj kohe disa vende, nga te cilat SHBA-ja, Kina dhe Rusia e kane njohur kete shtet te vogel me emertimin Republika e Maqedonise.
AFP