“Festimet kthejini ne pune per shtetin e ri”

Gezimi i kosovareve per pavaresine e shtetit te tyre, duhet shnderruar ne energji pozitive per te ecur perpara. Apeli u be dje nga perfaqesuesi i Larte per Politiken e Jashtme dhe Sigurine ne Bashkimin Evropian, Havier Solana. Ai eshte zyrtari i pare qe mberrin ne kryeqytetin e Republikes se Kosoves, Prishtine, dy dite pasi u shpall pavaresia. “Porosite kryesore qe deshiroj t’i percjell popullit te Kosoves jane qe ndjenjat e kenaqesise dhe gezimit, te cilat i kemi pare te manifestohen ne rruget e Kosoves, duhet te shnderrohen ne energji pozitive, qe do ta cojne perpara shoqerine kosovare”, theksoi Solana, duke vijuar: “Tani koha ka ardhur per rrugetimin e gjate, dhe une shpresoj shume se ky do te jete nje rrugetim, te cilin populli i Kosoves do ta mireprese shume”.
Pyetjes nese i kishte uruar drejtuesit politike te Kosoves per shpalljen e pavaresise, Solana iu pergjigj se kishte biseduar me Kryeministrin Thaci me telefon. “I kam thene gjithe ate qe eshte dashur t’i them”, tha ai. Lidhur me flamurin e miratuar nga Kuvendi i Kosoves, Solana tha: “Mendoj se eshte shume i bukur, me pelqen gjithcka qe eshte ne te, harta, yjet, fusha e kalter, jane te mrekullueshme”. Kurse pyetjes se “kur do te unifikohet BE per njohjen e pavaresise”, Solana iu pergjigj: “Bashkimi Evropian eshte i bashkuar dhe unik, eshte unifikuar aq shume sa ne kete vend do te dergoje njerez ne terren ne emer te BE-se". Ne kete pike, ai sqaroi: “Vendet e ndryshme kane ritme te ndryshme, kane procedura te ndryshme, te cilat duhet t’i zbatojme per te marre parasysh realitetet e reja ne bashkesine nderkombetare dhe kjo eshte nje gje qe duhet te zhvillohet pikerisht keshtu. BE nuk njeh shtete, vendet anetare te saj e bejne kete ne baze te ligjeve te tyre kombetare ose shteterore”. Zyrtari i larte evropian ka shprehur bindjen se “mund te zhvillojme nje program te madh mbeshtetes ne menyre qe Kosova te jete nje vend 'i homologueshem' me normat nderkombetare dhe angazhimet qe jane marre”.
Ne axhenden e tij te Prishtines, Solana kreu takime koke me koke me Presidentin e Republikes se Kosoves, Fatmir Sejdiun, Kryetarin e Kuvendit, Jakup Krasniqi dhe Kryeministrin Hashim Thaci. Kryediplomati i BE-se pohoi se kjo vizite eshte "nje mesazh i qarte per angazhimin e Evropes". Vizita e Solanes erdhi ndersa evropianet po pergatiten te dergojne 1900 police dhe juriste, kurse shumica e vendeve te BE-se mbeshteten nje dite pas 17 shkurtit, shpalljen e pavaresise nga parlamenti kosovar.
Solana shoqerohej nga gjenerali francez, Yves de Kermabon dhe nga holandezi Pieter Feith, qe do te marrin respektivisht kreun e misionit te policise dhe drejtesise se BE-se dhe Zyres Civile Nderkombetare qe do te inkuadroje pavaresine, duke marre keshtu stafeten nga misioni i OKB-se qe administron Kosoven qe prej 1999.