Erion Veliaj i bashkohet Parlamentit Global të Kryebashkiakëve
Kryetari i Bashkisë së Tiranës Erion Veliaj është bërë pjesë e Parlamentit Global të Kryebashkiakëve. Lajmi është bërë i ditur përmes një njoftimi zyrtar nga GPM.
Ndërsa shpreh vlerësimet për këtë bashkëpunim, GPM thekson se edhe në të kaluarën, Veliaj ka marrë pjesë në Samitet Vjetore të GPM-së 2021 dhe 2022, si dhe në webinarët “Forcimi i Strategjisë së Qyteteve më të Sigurta duke iu përgjigjur COVID-19” dhe “Rimendimi i qytetit: si reagojnë kryebashkiakët ndaj nevojat e një qyteti post-COVID.”
Bashkia e Tiranës dhe Kryebashkiaku Erion Veliaj janë dhe pjesë e Shoqatës së Qyteteve Evropiane të Eurocities, ndërkohë që këtë vit Tirana është dhe Kryeqyteti Europian i Rinisë.
/rtsh.al/