Erozioni kercenon 9 familje

Devoll- Reshjet e dimrit kane sjelle edhe rreshqitje masive te tokes ne Devoll dhe Pogradec, duke rrezikuar qe 9 familje me 40 pjesetare, te mbeten pa shtepi. Me problematike paraqitet situata ne fshatin Arrez te Devollit, ku si pasoje e erozionit, dy shtepi jane konsideruar te pabanueshme dhe banoret e tyre, jane larguar per te mos rene preh e ndonje tragjedie. Sipas shtabit te emergjencave ne Prefekturen e Korces, pas konstatimit se dy banesa ne fshatin Arrez rrezikoheshin nga rreshqitja e tokes, u moren masa te menjehershme per strehimin e banoreve, ne ambiente te tjera te fshatit. Demtimet sipas specialisteve te emergjencave jane shkaktuar nga reshjet e shiut dhe bores, te cilat kane sjelle edhe levizje masive dheu, duke vene ne rrezik jeten e banoreve te kesaj zone. Pervec kesaj edhe ne rrethin e Pogradecit jane konstatuar rreshqitje toke, te cilat kane lene pastrehe 7 familje. Behet fjale per fshatin Trebinje, ku si pasoje e zhvendosjes se tokes, shtepite jane vleresuar si te pabanueshme, pasi rrezikonin te shembeshin. Banoret e tyre jane strehuar tek te afermit, pasi komuna nuk ka pasur ambiente te pershtatshme per banim. Probleme ka pasur javen e kaluar edhe ne zonen e Liqenasit, ku rruga kryesore eshte demtuar rende si pasoje edhe e shperthimeve prane nje guroreje. Megjithese ishte rikonstruktuar kohe me pare, segmenti prej 17 km eshte demtuar, duke pesuar carje te medha. Specialistet e Drejtorise se Rrugeve dhe Ministrise se Transportit e cilesuan situaten problematike. Nderkohe qe rreshqitjet rrezikuan dy jave me pare edhe lagjen Qafe Dardhe te Librazhdit, ku 20 shtepi u demtuan nga erozioni.

D.Zisi