Esat Ademi: Erkandi dhe Romela, per medalje

Presidenti i Federates Shqiptare te Peshengritjes, Esat Ademi, ka dy asa nen menge, Erkand Qerimaj dhe Romela Begaj, dy me te miret e grupit prej 16 sportistesh qe FSHP ka perzgjedhur per ne Kampionatin Evropian per te rritur, i cili do te zhvillohet ne Leniano te Italise. "Federata jone shpreson se te gjithe do te luftojne per zonen e medaljeve, por besojme se Erkand Qerimaj per meshkuj dhe Romela Begaj per femra nuk do te na zhgenjejne," deklaron buzagaz kreu i peshengritjes shqiptare, Esat Ademi, i cili me pas ka dy fjale edhe per njollen e erret te dopingut qe pushtoi Shqiperine, edhe pse tani ajo eshte situate e harruar pas skandalit te Greqise. "Peshengritja jone vuajti jo pak nga imazhi i keq i dopingut. Tashme e them me plot gojen se jemi larg atij momenti qe i dha nje permase negative shtanges sone. Rrugen na e hapen Lojerat Mesdhetare te Qipros, ku Shqiperia zuri vendin e pare. Mendoj se dhe ne Itali do te dalim me sukses dhe do te kualifikohemi ne Olimpiade me sportiste dinjitoz, si ne femra ashtu dhe ne meshkuj", thote presidenti Ademi, i cili me pas tregon se Shqiperia do te organizoje nje eveniment te madh, sic eshte Kampionati Evropian per te rinj. "Shqiperia do te zhvilloje per here te pare nje Kampionat Evropian per te rinj ne Peshengritje. Federata jone ka fituar pervoje te madhe ne organizimin ne nivel kombetar e ne turne nderkombetare. Kampionatin Evropian per te rinj qe do te zhvillohet ne Durres ne datat 14 dhe 21 shtator", perfundon presidenti i FSHP-se, Esat Ademi.