Estonia, mbështetje Shqipërisë për heqjen e vizave

Estonia mbështet liberalizimin e vizave për Shqipërinë. Garancia vjen nga ministri i Drejtësisë i Estonisë gjatë takimit që pati në Tiranë me homologun e tij Bujar Nishani.

"Me ndryshimet e mëdha të bëra në ekonomi dhe kuadrin ligjor, qeveria e Estonisë është shumë mbështetëse për qeverinë shqiptare përfshi ketu procesin për liberalizimin e vizave dhe hyrjen në BE. Ne ramë dakord për ngritjen e një task force për bashkëpunim për përfitimin e përvojës estoneze për teknologjinë e informacionit në fushën e regjistrimit të pasurive dhe bizneseve në shpresojmë që në të ardhmen do bashkëpunojmë në këtë drejtim", deklaroi ministri estonez i Drejtësisë, Rein Lang.

Estonia është një nga 27 vendet anëtare të BE, e anëtarësuar në union në 1 maj të vitit 2004. "Konkluduam për ngritjen e një task force për marrjen e përvojës nga Estonia në mënyrë që këto përvoja ti implementojmë si hapa të rëndësishëm që do të lehtësojnë shërbimin ndaj qytetarit ngushtojnë hapësirën për korrupsion si dhe do të japi një stad të rëndësishëm zyrtarit të këtyre institucioneve", tha Nishani.

Denada Shkodrani