Eva Orner: Filmi për UÇK, në vitin 2012

Producentja e filmit për UÇK-në, Eva Orner ka deklaruar se filmi me temë luftën e UÇK-së planifikohet që të jetë gati në vitin 2012, ndërkaq që për këtë projekt kinematografik ajo tashmë ka filluar që të kërkojë një skenarist për realizmin e tij. E pyetur për projektin e ri, fituesja e çmimit Oscar

dhe Emmyt tha se ajo ka vendosur ta realizojë atë në Australi për shkak të problemeve të shumta ligjore, por dhe financiare. Në këtë fazë kam filluar të flas me regjisorët, mendova që filmin ta realizoj në Amerikë, por këtu është vështirë për shkak se nuk gjen financa për filmat me karakter luftën. Për këtë arsye vendosa ta realizoj në Australi për shkak të industrisë së fortë të filmit dhe ndihmës nga qeveria e atij vendi. Më pas do të gjejmë një ko produksion në Evropë. Xhirimi në Kosovë? Kjo është punë biznesi dhe për këtë duhet të arrijmë marrëveshje me qeverinë mbi taksat dhe gjërat tjera. Nëse shkon gjithçka siç është planifikuar, filmi do të jetë gati më 2012, por nëse gjërat ngecin atëherë do ta na duhen pesë vite për ta përfunduar atë, tha producentja e filmit Eva Orner në një intervistë për RTK.

Last Updated on E Premte, 09 Prill 2010 19:25