FA blen 5 helikoptere nga kompania franceze "Eurokopter"
Tirane-Forcat Ajrore do te pajisen shume shpejt me 5 helikoptere te rinj tip "AS 532 Al Cougar", te cilet do te futen ne perdorim gjate 3-4 viteve te ardhshme. Per kete qellim ne Ministrine e Mbrojtjes, dje u zhvillua ceremonia e nenshkrimit te kontrates nga ministri i Mbrojtjes, Arben Imami dhe zv.presidenti i kompanise franceze "Eurokopter", Thomas Hein. Ministri Imami e vleresoi nenshkrimin e kesaj kontrate, si nje moment shume te rendesishem per Forcat e Armatosura, te cilat jane ne rrugen e modernizimit dhe po shenojne arritje te reja, ne permbushjen e standardeve dhe te nderveprimit me NATO-n. Nenshkrimi i kesaj kontrate u finalizua pas nje procedure transparente dhe te plote prokurimi, si dhe u pasua nga negocime midis eksperteve te Ministrise se Mbrojtjes dhe kompanise se njohur "Eurokopter". Helikopteret e tipit "AS 532 Al Cougar", jane nje version ushtarak i familjes "Super Puma". Vlera e kesaj kontrate kap shifren prej 78.633 288 euro. Kontrata perfundon ne vitin 2013 me mberritjen e helikopterit te fundit. Ky eshte nje nga projektet me te medha te FA-se dhe Ministrise se Mbrojtjes, ne keto 30 vitet e fundit. Nepermjet ketij projekti Shqiperia do te hedh nje hap tjeter te rendesishem ne plotesimin e standardeve te NATO-s dhe modernizimin e Forcave te Armatosura.