FOKUS – Qindra të vdekur pas tërmetit në Mianmar dhe Tajlandë, dhjetëra të bllokuar në ndërtesën e shembur në Bangkok

BANGKOK, 28 mars /ATSH/- Kanë kaluar rreth gjashtë orë që kur një tërmet i fuqishëm goditi Mianmarin në Azinë Juglindore, sipas BBC.

Shërbimi Gjeologjik i SHBA-së tha se një tërmet me magnitudë 7,7 ballë u regjistrua rreth mesditës me orën lokale – katër goditje më të vogla që variojnë midis 4,5 dhe 6,6 ballë.

Mianmari, i njohur më parë si Burma, drejtohet nga një regjim ushtarak dhe mund të jetë e vështirë për të marrë informacione. Ende nuk dihet numri i të vdekurve, apo shkalla e plotë e dëmit, por dyshohet se mund të kenë vdekur qindra persona.

Në Tajlandë, e cila kufizohet me Mianmarin në lindje, tre punonjës ndërtimi janë vrarë dhe dhjetëra janë plagosur – pasi një ndërtesë e papërfunduar e lartë u shemb në kryeqytetin Bangkok.

“Tre persona tani konfirmohet se kanë vdekur pasi ndërtesa në të cilën po punonin në Bangkok u shemb”, tha Instituti Kombëtar i Tajlandës për Mjekësinë Emergjente.

Në një përditësim në Facebook, thuhet se 68 persona të tjerë janë plagosur dhe janë dërguar në spital.

“Pesë persona janë në gjendje kritike”, tha organizata.

“Sipas burimeve, 81 punonjës ndërtimi nga kantieri janë ende të bllokuar nën rrënojat e godinës”, sipas zëvendëskryeministrit të vendit.

Në kryeqytetin e Tajlandës, 81 punëtorë janë aktualisht të bllokuar.

Tërmeti që goditi Mianmarin u ndje dhe ka prekur rëndë Tajlandën.

“Në kryeqytetin e Tajlandës, Bangkok, 70 punonjës ndërtimi janë shpallur”, tha Instituti Kombëtar për Mjekësinë Emergjente në Tajlandë – pasi raportoi më herët se 43 persona dyshoheshin të humbur.

Në një postim në Facebook, instituti shtoi se në momentin e shembjes ishin rreth 320 punëtorë në vend, dhe 20 prej tyre janë bllokuar në boshtet e ashensorit.

Numri i vdekjeve është i paqartë dhe një spital fushor është ngritur në vendngjarje, ndërsa ekipet e shpëtimit vazhdojnë të kërkojnë për të mbijetuarit. //a.i/