FSHF, Ekzekutivi: Distancohemi nga vendimet e Komisionit të Apelit

Komiteti Ekzekutiv i Federates Shqiptare te Futbollit bazuar ne vendimin e Komisionit te Apelit te dates 28.02.2012 mban qendrimin e tij zyrtar, duke deklaruar se pas kerkesave te depozituara prane ketij Komisioni vendimet e marra nuk jane ne perputhje me principet dhe rregulloret e aktiviteteve, te cilat jane votuar nga te gjithe anetaret e FSHF-se.
 

Ne keto vendime tek Komisioni i Apelit dallohet qarte paragjykimi e paramendimi per te arritur ne konkluzione te pa drejta e te njeanshme per ata qe kane gabuar rende gjate e pas lojes.
Vendimet e Komisionit te Apelit kane lehtesuar ndeshkimet ( marre nga Komisioni i Disiplines) e atyre qe kane vepruar me vetgjyqesi ne fushen e lojes dhe kane lene te pa prekur palet e tjera te ndeshkuara per rrethana me lehtesuese.
 

Keto vendime demtojne realisht garen sportive qe ka mberthyer Klubet e Kategorise Superiore per trofeun e Kupes se Shqiperise e Kampionatin Kombetar. Vendosja e mos barazise ne keto vendime prodhon padrejtesi, dyshime korruptive e keqpozicionime ne raport me klubet te cilet jane anetare te Federates Shqiptare te Futbollit.
 

Mungesa e objektivitetit ne vendimet e drejtesise sportive, diferemcimi me ose pa qellim qe aplikohet ne adrese te klubeve te ndryshme, krijon nje hendek te veshtire ne maredheniet me to.
 

Duke vleresuar me objektivitet kete situate Komiteti Ekzekutiv i Federates Shqiptare te Futbollit per te mbrojur rreugullat parimore, maredheniet me anetaret e saj , seriozitetin e ndershmerine e gares distancohet nga njeanshmeria e vendimeve te fundit te Komisionit te Apelit duke i premtuar anetareve te saj transparence, seriozitet e barazi per te gjithe.