FUTBOLL – Alexander-Arnold largohet nga Liverpooli drejt Real Madridit

LONDËR, 5 maj /ATSH-DPA/ – Trent Alexander-Arnold ka njoftuar se do të largohet nga Liverpooli kur kontrata e tij të skadojë në fund të sezonit.

Mbrojtësi i Anglisë është lidhur shumë me një transferim të lirë te Real Madridi.
“Pas 20 vitesh në Liverpool Football Club, tani është koha që unë të konfirmoj se do të largohem në fund të sezonit”, postoi ai në X të hënën.

“Ky është padyshim vendimi më i vështirë që kam marrë ndonjëherë në jetën time”, shtoi ai.

Alexander-Arnold ndihmoi Liverpoolin të fitojë Premier League këtë sezon.

“E di që shumë prej jush kanë pyetur pse ose janë frustruar që nuk kam folur ende për këtë, por gjithmonë qëllimi im ishte të mbaja fokusin tim të plotë në interesat më të mira të ekipit, që ishte sigurimi i numrit 20”, vazhdoi deklarata e Alexander-Arnold.

“Ky klub ka qenë e gjithë jeta ime – e gjithë bota ime – për 20 vjet. Nga Akademia e deri më tani, mbështetja dhe dashuria që kam ndjerë nga të gjithë brenda dhe jashtë klubit do të qëndrojnë me mua përgjithmonë. Do të jem përgjithmonë në borxh ndaj të gjithëve ju. Dashuria ime për këtë klub nuk do të vdesë kurrë”, tha ai./ /os/