Familjaret: Te gjendet trupi i djalit 17-vjecar

Një 17-vjecar rezulton i zhdukur pas tragjedisë që ndodhi mbrëmë në liqenin e Butrintit. Ndriçim Myftari është një nga personat, i cili sipas dëshmive ka hipur në varkën qe u përmbys mbrëmë.

Ndërkohë disa orë pas tragjedisë ai nuk rezulton as në listën e personave të mbijetuar dhe as në të atyre që humbën jetën nga përmbysja e varkës.

Konfirmohet nga gazetari i Top Channel ne Sarande, se polumbaret kane rinisur kete mengjes operacionin e kerkimit per trupin e te riut.

Një nga të mnbijetuarit, Marsel Mita, i cili është në spital nën kujdesin e mjekeve ka shpjeguar për policinë se Ndriçim Myftari nga Lushnja ishte me ta në varkë në çastin e aksidentit dhe prej atëherë nuk e ka parë më.

Edhe prindërit e 17-vjecarit thanë mbrëmë se djali i tyre ishte nisur me varkën fatkeqe dhe kërkojnë nga policia tha se të vazhdojë kërkimet në liqen.

Ndërkaq në spital ndodhen vetëm i riu Marsel Mita dhe 28- vjecari Dritan jaho, i cili ndodhet në gjendje shoku pasi ka parë të mbyten vajza e tij 3 muajshe dhe bashkëshortja 22 vjecare.