Familjet, 31% kane nje kredi per te shlyer Eglantina Nasi

Rreth 31% e familjeve shqiptare, kane te pakten nje kredi per te shlyer. Nje fakt i tille permendet nder rezultatet kryesore te nje vrojtimi qe ekspertet e Bankes se Shqiperise, kane kryer posacerisht mbi situaten financiare te familjeve ne rang vendi per 6-mujorin e pare te ketij viti. "Ne totalin e familjeve te intervistuara, rreth 31% e tyre (saktesisht 373 te tilla) pohojne se kane aktualisht nje kredi per te paguar", citohet ne kete vrojtim. Duke shtuar se ky tregues ka shenuar nje rritje prej 4%, krahasuar me 6-mujorin e dyte te vitit 2011, cka flet qarte per nje shtim te kredive te marra nga familjet shqiptare. "Ne 43% te rasteve, familjet huamarrese deklarojne se kane marre kredi nga bankat. Ndersa ne nivelin prej 4%, rezulton se e kane marre ate nga institucione te tjera financiare jobankare", thuhet me tej. Sikunder shtohet se pjesa tjeter, prej 54% e familjeve huamarrese, rezulton se u eshte drejtuar burimeve informale per te siguruar marrjen e nje borxhi. Ku kjo pjese ndahet perkatesisht me 40% si borxh i marre nga persona fizike dhe 15% nga ata qe kane dyqane. Nga ana tjeter, vrojtimi i lartpermendur i Bankes se Shqiperise, permend edhe faktin, qe te pakten ne 13% te rasteve, familjet shqiptare deklarojne se kane aktualisht me shume se nje kredi, te marra keto nga burime te ndryshme. Ndersa, nese do t'iu referoheshim referohemi arsyeve se perse familjet shqiptare detyrohen qe te kerkojne borxh, qofte nga bankat apo qofte edhe nga te afermit e tyre, ekspertet e BSH-se, vleresojne se ai kryesori, mbetet qellimi i "blerjes apo riparimit te nje prone te paluajtshme", me respektivisht, 36% te totalit te rasteve te huamarrjes. Ndersa kredite per qellime konsumi, mesohet se zene nje nivel prej 27% te totalit te tyre. Dhe pas ketyre dy qellimeve kryesore, shohim se renditet ai i "zhvillimit te biznesit", i cili kap nje nivel prej 16% te totalit te kerkimit te nje kredie nga ana e familjeve ne rang vendi. Te analizuara ne detaje, gjate ketij vrojtimi, BSH-ja ben me dije se "pesha e familjeve qe deklarojne se kane marre kredi me qellim blerje apo riparim te nje prone, ka shenuar ne fakt nje renie me 4 pike perqindje krahasuar me 6-mujorin e kaluar". Ndersa dy zerat e tjere kane qendruar ne nivele te ngjashme. Per te kaluar me tej, ne lidhje me monedhen qe perzgjidhet prej familjeve per te marre nje kredi, qofte nga bankat apo te afermit, mesohet se ajo e preferuara mbetet monedha vendase, Leku, saktesisht me nje nivel prej 91% te totalit te ketij treguesi. "Euroizimi i huamarrjes vazhdon te jete i ulet, kryesisht per shkak te huamarrjes se larte nga persona fizike", citojne ekspertet e BSH-se lidhur me kete dukuri. Per te shtuar se "koha e mbetur per shlyerjen e stokut te kredise ne momentin e intervistimit, eshte kryesisht 1-3 vjet, ne 39% te rasteve dhe deri ne 12 muaj ne 34% te rasteve". Cka do te thote ne terma konkrete, se koha e mbetur per te shlyer nje kredi nga familjet shqiptare qe e kane marre tashme nje te tille, eshte relativisht e konsiderueshme dhe jo e paket.

Ankesa: Kredite, po i shlyejme me me veshtiresi se me pare

"Rreth 32% e familjeve huamarrese, deklarojne perkeqesim te aftesise se tyre paguese, kryesisht per shkak te renies se te ardhurave, rritjes se shpenzimeve te domosdoshme ose si kombinim i te dyjave". Nje dukuri e tille citohet nga ekspertet e BSH-se ne vrojtimin mbi situaten financiare te familjeve ne rang vendi. Duke shtuar me tej, se "per te perballuar veshtiresite financiare lidhur me shlyerjen e detyrimeve te kredise, ne 45% te rasteve, familjet ulin shpenzimet e tyre dhe vetem 8% e rasteve kerkojne nje rinegocim te kushteve te saj". Per te perfunduar me faktin se per gjashtemujorin e pare te vitit 2012, rreth 65% e familjeve huamarrese nuk presin ndryshim te aftesise se tyre paguese, ndersa rreth 26% presin perkeqesim, krahasuar me 16% ne vrojtimin e kaluar.