Feith: Pas GJND-së presim një valë të re njohjesh

Sipas tij, mendimi i GJND-së do të jetë “i përzier”. "Unë po punoj në supozimin se vendimi gjerësisht do të japë një lloj rehatie për pozicionin e Beogradit dhe një lloj mbështetje për pozicionin e Kosovës. Pra, do të jetë një tërësi e përzier e konsideratave", tha Piter Feith, duke folur para gazetarëve në Bruksel, pas takimit të tij me ambasadorët e BE-së.

Ai foli edhe për pjesën veriore të Mitrovicës, duke synuar t'i sigurojë liderët lokalë në këtë qytet, se dëshirat e tyre do të respektohen. "çfarëdo përpjekje që i përket veriut, në mënyrë kritike, varet nga pranimi lokal. Prandaj, populli në veri nuk duhet të ketë çfarëdo ndjenje të frikësimit ose kërcënimit", deklaroi Feith.

"Ne dëshirojmë që veriun ta mbajmë të stabilizuar, por veriu është pjesë e përgjithshme e hapësirës, që do të lëvizë më afër ndaj Bashkimit Evropian. Nuk duhet të përfundojë si konflikt i ngrirë", theksoi Pieter Feith.