Feith Vendim i drejte i qeverise per te marre kontrollin ne tere Kosoven

Shefi i Zyres Civile Nderkombetare ne Kosove Pieter Feith thote se vendimi i qeverise se Kosoves per te marre nen kontroll territorin e saj eshte vendim plotesisht i drejte nderkaq marreveshjen e arritur per tejkalimin e situates ne veriun e Kosoves e ka vleresuar si nje rast te mire per permisimin e gjendjes ne ate pjese te vendit.

Zoti Feith tha se marrja nen kontroll e tere territorit nuk eshte ceshtje qe ka te beje vetem me funksionimin e ligjit dhe ruajtjen e pikave kufitare por ka te beje edhe me sigurimin e komunitetit serb...

Qeveria e Kosoves ka te drejte qe te marre nen kontroll tere territorin e saj. Ajo gjithashtu duhet te mbetet e perkushtuar qe te integroj te gjitha komunitetet dhe te punoj me shume per pajtim. Kjo nuk eshte ceshtje qe ka te beje vetem me sundimin e ligjit apo kontrollin e pikave kufitare por edhe ne sigurimin e komunitetit serb dhe se jane te mireseardhur ne ambientin ku po jetojme kjo eshte ajo qe po synojme te arrijme tha zoti Feith duke nenvizuar se plani i presidentit Ahtisaari ne baze te te cilit eshte shpallur pavaresia e Kosoves duhet te zbatohet edhe ne veriun e Kosoves.

Zoti Feith ka bere thirrje per respektimin e marreveshjes se arritur ne teresi perfshire edhe heqjen e bllokadave.

Ne veriun e Kosoves nderkaq ka filluar zhbllokimi i pjesshem i rrugeve. Ne komunen e Leposaviqit jane larguar mjetet e renda qe ishin vendosur ne rrugen qe con ne njerin nga vendkalimet kufitare me Serbine. Nderkaq edhe me tej mbetet bllokada e vendosur ne fshatin Rudare ne komunen e Zvecanit. Largimi i pjesshem i bllokadave pasoi nje takim te perfaqesuesve politike lokal te serbeve ne veri te cilet nuk  arriten te merren vesh per zbatimin e marreveshjes se arritur te premten e kaluar ndermjet KFOR-it qeverise se Kosoves dhe perfaqesuesve te qeverise se Serbise per tejkalimin e situates ne veriun e Kosoves. Kjo marreveshje nenkuptonte ne radhe te pare largimin e bllokadave te vena dy jave me pare nga serbet ne veri ne kundershtim te synimeve te qeverise se Kosoves per venien nen kontroll te vendkalimeve kufitare me Serbine ne veriun e banuar me shumice serbe.

Autoritetet e sigurise thone se gjendja ne veri eshte e qete ndersa u kane bere thirrje qytetareve serbe qe te respektojne marreveshjen.

Por perfaqesuesit e serbeve qe po mbajne bllokaden ne fshatin Rudare thane se marreveshja eshte ne kundershtim me interesat e serbeve dhe barrikadat e vendosura atje nuk do te largohen perderisa gjendja ne vendkalimet kufitare me Serbine nuk kthehet ne situaten e para 25 korrikut. Kjo kerkese eshte hedhur poshte nga autoritetet ne Prishtine te cilet thone se nuk do te kete kthim mbrapa.

Qetesia u rivendos ne veri me nje marreveshje mirekuptimi te arritur nga KFOR-i me perfaqesuesit e qeverise se Kosoves dhe ata te Serbise. Sipas kesaj marreveshjeje qe nuk eshte nenshkruar nga askush vendkalimet kufitare me Serbine ne veriun e Kosoves do te mbeten nen kontrollin e KFOR-it deri ne shtator kur pritet rifillimi i bisedimeve ndermjet Kosoves dhe Serbise te ndermjetesuara nga Bashkimi Evropian.

Me 25 korrik qeveria e Kosoves filloi nje operacion per venien nen kontroll te dy vend kalimeve kufitare ne veriun e banuar me shumice serbe ne funksion te zbatimit te vendimit per ndalimin e importeve nga Serbia i cili nuk po zbatohej ne ate pjese te Kosoves.

Operacioni nxiti reagime te ashpra te banoreve serb te cilet ngriten barrikada ne rruget kryesore. Nje pjesetar i policise u vra gjate nje sulmi mbi policine ne afersi te Zubin Potokut nje komune me shumice serbe ne veri. Dhuna beri qe kontrollin ne vendkalimet kufitare ne veri ta marrin persiper forcat e NATO-s te cilat i shpallen ato vendkalime si zona te kufizuara ushtarake ndersa trupa shtese u derguan ne zone per te parandaluar shtimin e tensioneve.