Fëmijët dërgojnë mesazhe përmes Postës së Kosovës

Në Kosovë sot me aktivitete të ndryshme, po shënohet 1 Qershori, Dita Ndërkombëtare e Fëmijëve gjatë të cilave u tha se fëmijët janë e ardhmja e një kombi. Me rastin e kësaj dite, Posta dhe Telekomi i Kosovës ka organizuar një aktivitet publik në përkrahje të të drejtave të fëmijëve.

Me këtë rast, ata kanë ofruar falas kartolina dhe pulla postare për secilin fëmije që ka dal të shëtis në Sheshin “Zahir Pajaziti” në Prishtinë.

Në këtë mënyrë, Posta e Kosovës ka ndihmuar që përmes kartolinave të përcjellë porositë e qindra fëmijëve në Ditën e tyre Ndërkombëtare dhe të kontribuoj që të drejtat e tyre të respektohen sa më shumë.

Shumica e fëmijëve që kanë marrë pjesë në këtë aktivitet kanë dërguar për herë të parë një kartolinë./Indeksonline/