Fëmijëve të mos u jepet paracetamol pas vaksinimit?

Paracetamoli duket të jetë i dëmshëm për fëmijët pasi kanë kryer vaksinën. Sipas një studimi të kryhet kohët e fundit nga një ekspertë britanikë dhe çekë të fushës së mjekësisë, në rast se pas vaksinimit, fëmijëve u jepet paracetamol, me qëllim parandalimin e temperaturës, atëherë efekti i menjëhershëm do të jetë dobësimi i sistemit imunitar. Të dhënat janë bazuar në vëzhgimin e 450 fëmijëve të porsalindur, paracetamoli tek të cilët ka dhënë efekt në uljen e temperatutës, por nuk ka dhënë në masën e duhur efektet e vaksinës. Pra, është vërtetuar se pas injektimit të vaksinës dhe marrjes së paracetamolit, niveli i antitrupave që veprojnë në organizëm është rreth 30 % më i ulët nga rastet e vëzhguara në të cilat nuk është konsumuar paracetamol. Mjekët thonë se edhe pse nuk është i rrezikshëm, sërish duhet evituar përdorimi tek fëmijët, përvec rasteve kur ky i fundit është i domosdoshëm.
Sipas të dhënave temperatura e lartë është e zakonshme tek 30-40 % e fëmijëve, sidomos në rastet kur i nënshtrohen edhe mjekimeve të tjera vec vaksinës.
Për këto përfundime shkencëtarët bazohen në faktin që paracetamoli ndërvepron me ato qeliza imunologjike në të cilat ndikon vaksina.