Ferguson: Jemi të gatshëm për Cityn

Sir Alex Ferguson thotë se nuk ka probleme të reja me dëmtimet në prag të ndeshjes së kthimit gjysmëfinale të Kupës Carling përballë Manchester Cityt, që zhvillohet nesër në Old Trafford.
Mysafirët do të udhëtojnë me avantazh 2-1 nga ndeshja e parë, por Ferguson pret fitore të ekipit të tij. Strategu i United thotë se nuk ka dëmtime të reja nga takimi i fundit kundër Hull Cityt.
"Nuk kemi dëmtime të reja. Të gjithë që luajtën të shtunën e kaluar janë në kombinim. Kam një përbërje të madhe dhe të fuqishme. Do të jetë një takim fantastik, këtë e di. Ndoshta edhe më i mirë edhe se ai i javës së kaluar. Ne jemi të gatshëm dhe shpresoj se përvoja do të na ndihmojë", ka thënë Ferguson.