Fermeret, si po mashtrohen me mbjelljet
Blerja e fidaneve te pakontrolluar nga ana e fermereve ne rrethet e Permetit, Tepelenes dhe Gjirokastres ka shkaktuar probleme ekonomike ne lidhje me kultivimin e vreshtarise dhe drufrutoreve ne Jug te vendit. Sipas specialisteve te bujqesise "jane nje numer i konsiderueshem fermeresh te cilet ne kete sezon kane blere fidane te pakontrolluar duke shkaktuar keshtu probleme persa i perket te ardhurave nga agrobiznesi". "Shpesh fermeret i drejtohen njesive te palicencuara per blerjen e varieteteve te ndryshme te vreshtave apo drufrutoreve por si pasoje e mungeses se kontrollit, ata bien "pre" e mashtruesve te cilet iu tregtojne lloje te tjera fidanesh", thote Balil Bineri, specialist i mbrojtjes se bimeve ne Drejtorine e Bujqesise ne Gjirokaster. Nje veprim i tille ka shkaktuar humbje te konsiderueshme persa i perket fermereve te Qarkut te Gjirokastres ne drejtim te kultivimit te vreshtarise dhe drufrutoreve. Specialistet e bujqesise iu rekomandojne fermereve qe gjate ketij sezoni te drejtohen per blerjen e fidaneve bujqesore ne njesite e licencuara. "Aktualisht ne Qarkun e Gjirokastres veprojne 7 njesi te licencuara dhe kontrolluara per tregtimin e fidaneve, ne te cilat punon nje staf i specializuar agronomesh dhe personash te kualifikuar", thone specialiste e bujqesise. Sipas tyre terheqja e fidaneve ne keto njesi do te shmangte humbjet e konsiderueshme ekonomike qe iu krijohen fermereve nga blerja e fidaneve te pakontrolluar.
Blerim Kore