Ferrara jo shumë i kënaqur me paraqitjen

Trajneri i Juventusit, Ciro Ferrara, nuk është ndarë plotësisht i kënaqur nga fitorja minimale prej 1-0 ndaj Chievos në ndeshjen e parë të sezonit të ri në Serie A.
"Ishte një pjesë e parë e përkryer, pos pas pauzës u paraqit një lodhje dhe hapësirat në zonat e ekipit filluan po ashtu të paraqiten. Chievo është një ekip i shkëlqyeshëm dhe na krijoi disa probleme. Ishim të pafuqishëm t'i lëndojmë në kundërsulme", ka thënë Ferrara.
"Jam shumë i kënaqur me fitoren, pasi ishte e rëndësishme të fillojmë me fitore në ballë të fansave tanë", ka shtuar italiani.