Ferrari dominon Çmimin e Spanjës

Ferrari ka dominuar ne Çmimin e Madh të Spanjës duke zënë dy vendet e para. Kimi Raikonen ka arritur fitoren e dytë për këtë sezon, ndërkohë që pas tij është renditur shoku i skuadrës, Felipe Massa. Ky i fundit mori vendin e dytë qysh në start duke parakaluar Fernando Alonson me Renonë.

E gjithë gara e djeshme është shoqëruar me emocione të mëdha pasi ka pasur incidente të shumta, ku më i rrezikshmi ishte ai i Heiki Kovaloinen, i cili në xhiron e 27-të pati probleme me gomën e majtë. Vendi i tretë në këtë garë i ka takuar britanikut, Luis Hamiltonit, ndërsa në vendin e katërt u rendit, Robert Kubica me BMW dhe në të pestin australiani i Redbull Mark Veber.