Fier prefektura kerkon evakuimin e nje fshati

Prefektura e Fierit u ka bere thirrje banoreve te fshatit Povel ne Mallakaster te braktisin pergjithmone banesat e tyre. Nisja e stines se shirave dhe prania e shkarjeve masive te dheut ne kete zone te Mallakastres ka sjelle edhe marrjen e masave ekstreme nga Prefektura e Fierit.

Sekretari i pergjithshem i institucionit te prefektit Vasil Ndreko eshte shprehur per nje paralajmerim te tille per te gjithe banoret e fshatit Povel ne Mallakaster. Ndreko ben te ditur se me gjithe masat e marra nga disa njesi te qeverisjes vendore pas permbytjeve dhe shkarjeve te dheut vitin e kaluar kjo zone eshte ende e rrezikuar.

Nderhyrja ne pjesen e kodres qe u perfshi nga rreshqitja e dherave vitin e kaluar kete vit nuk ka asnje mundesi nderhyrjeje duke e lene kete zone ne meshire te fatit. Ne keto kushte banoret e saj duhet te mendojne te lene shtepite pergjithmone. Ne pjesen e rruges jane bere nderhyrjet e duhura nga nje fond i vecante i akorduar per komunat qe u preken nga permbytjet dhe shkarja e dheut. Komuna Fratar ka mundur te riparoje pjesen e rruges qe lidh kete zone me rrugen nacionale por eshte teknikisht e pamundur te riparohet masivi i dheut tha Ndreko.

Fatmiresisht ne kete zone ka siperfaqe te konsiderueshme me pemetari dhe te mbjella te tjera sezonale te cilat kane ndikuar ne uljen e demit ne banesa. Ndreko shpjegon se ne kete zone banoret duke e njohur rrezikun e shkarjes se dheut nuk kane ndertuar shume shtepi por kane mbjelle ullinj dhe drure te llojeve te ndryshme. Pasoja ne rast te rreshqitjes se dheut do te kene te mbjellat e fermereve ndersa duhet thene se ka qene pikerisht mbjellja e pemeve qe e ka reduktuar ne kohe rrezikun e shkarjes se dheut sqaroi me tej sekretari i prefektures.

Vitin e kaluar ne kete zone disa banesa u demtuan si pasoje e shkarjes se dheut. Ndersa pjesa tjeter e zonave qe rrezikuan vjet ka marre masa per ndertimin e mureve mbrojtes. Kolektori i Roskovecit gjithashtu eshte i sigurt pas riparimit te diges se demtuar e cila vitin e kaluar rrezikoi seriozisht gjithe zonen. Qindra familje ne te gjithe Rrethin e Fierit u permbyten duke pesuar deme te konsiderueshme materiale ndersa ne fshatin Peshtan dhe Povel dhjetera shtepi pesuan carje si pasoje e shkarjes se dheut. Asnje nga keto familje nuk eshte demshperblyer ende per demet materiale qe pesuan.