Fshati 3 kilometra larg Burrelit braktiset per mungesen e ujit

Pas fshatit Frankth nje tjeter fshat i Rrethit te Matit po braktisjet nga banoret per shkak te mungeses se ujit te pijshem. Fshati Muzhake i Komunes Komsi prej disa vitesh ka probleme me ujin e pijshem por edhe ate per vaditje. Nderkohe qe infrastruktura rrugore gati mungon plotesisht.

Edhe pse ne afersi te qytetit te Burrelit vetem 3 kilometra larg tij fare prane Uzines se Ferrokromit dhe i pozicionuar mire gjeografikisht mes dy lumenjve fshati Muzhake ka mbetur jashte vemendjes se pushtetit vendor per te investuar ne ndertimin e nje ujesjellesi per banoret e ketij fshati.

Banoret ankohen se vuajne edhe per mungesen e ujit per vaditjen e tokave nderkohe qe me pak investime thone ata mund te ndertohet nje kanal vadites per marrjen e ujit ne lumin prane fshatit.

Aktualisht te vetmit burime nga ku mund te sigurojne ujin e pijshem jane puset e ujit te hapur ne oborret e shtepive. Shpeshhere uji i ketyre puseve ndotet nga dekantimi ne puse i ujerave te zeza duke rrezikuar shendetin e tyre. Keshtu ka ndodhur para disa vitesh kur nga ky fshat dhjete banore jane derguar me urgjence ne Spitalin e Burrelit nga infektimi bakteriologjik i ujit te puseve.

Kujtojme se dikur fshati Muzhake furnizohej me uje te pijshem nga rrjeti ujesjelles i uzines se ferrokromit Burrel. Por mbyllja prej vitesh e kesaj uzine vec te tjerave ka lene pa uje te pijshem edhe banoret e fshatit.

Me e rende behet gjendja ne kete fshat per grate te cilat nuk kane uje as per larjen e rrobave. Kjo situate alarmante ka detyruar mjaft banore te braktisin shtepite dhe te vendosen ne zona te tjera.