Financat: Amnistia, jane rivleresuar 57.603 pasuri Eglantina Nasi

Plot 57.603 pasuri te paluajtshme te rivleresuara dhe nje tatim total i mbledhur ne vleren e 2.55 miliarde lekeve. Ky eshte bilanci total i zbatimit te ligjit te amnistise fiskale per qytetaret qe nga fillimi dhe deri tani. I publikuar nga burimet zyrtare te ministrise se Financave, ai i shtohet rikujteses qe ato u bejne edhe nje here qytetareve se ky proces perfundon pas nje jave. "Ministria e Financave informon te gjithe qytetaret se afati i perfundimit te rivleresimit te pasurive te tyre, ndertesa dhe toke, perfundon ne daten 31 gusht 2012", eshte thirrja zyrtare qe ky dikaster u ben qytetareve per te perfituar nga ky proces. Duke shtuar mes te tjerash, edhe faktin se rivleresimi i pasurise se paluajtshme, si i tille, ka perbere nje nder dispozitat me me interes per individet ne kuader te ligjit nr. 10418, date 21.4.2011 "Per legalizimin e kapitalit dhe faljen e nje pjese te borxhit tatimor dhe doganor". Nga ana tjeter, burimet zyrtare te ministrise se Financave kane bere me dije se shtyrja e afatit te zbatimit te ligjit nga data 31 mars ne daten 31 gusht rezultoi te ishte nje mase e suksesshme e qeverise. Duke saktesuar se vetem gjate kater muajve te shtyrjes se afatit, e cila perkonte me periudhen e muajve prill-korrik, jane rivleresuar rreth 10.628 pasuri te paluajtshme dhe se tatimi i mbledhur nga ky proces, eshte 458 milione leke. Shifra keto qe flasin per interesin e shtuar te qytetareve ne zbatim te kesaj mase lehtesuese te qeverise ndaj tyre. Nderkaq, edhe ne kete jave te fundit te afatit per zbatimin e amnistise fiskale per rivleresimin e pasurive te paluajtshme, ministria e Financave i "inkurajon te gjithe qytetaret qe te nxitojne te bejne rivleresimin e pasurise se tyre me vleren reale te tregut".