Financat: Ushtaraket, pensionet me te larte ne Shqiperi
Ministria e Financave pohon se fondi per ushtaraket, eshte kater here me i madh se ai i pensioneve te fshatit
TIRANË- Ministria e Financave ka arsyetuar dje uljen e pensioneve te ushtarakeve duke thene se ata jane shtresa me e paguar ne Shqiperi. Sipas Financave, shuma qe buxheti i shtetit shpenzon per pensionet e parakohshem te ushtarakeve eshte shume here me e madhe se sa fondi per pensionet e pensionisteve te fshatit.
Financat gjithashtu kane sqaruar miratimin e Aktit Normativ te qeverise disa jave me pare, i cili sipas tyre ka te beje me venien e drejtesise per sa i perket perfitimeve te shtresave qe kane kontribuuar ne skeme.
Edhe pse ka hapur nje debat te madh gjate koheve te fundit, Akti Normativ sipas Financave, prek interesat financiare te vetem 7400 ushtarakeve, nderkohe qe ne te gjithe vendin jane rreth 540 mije pensioniste te cilet gjithashtu perfitojne pension pleqerie. "Sipas vendimit te Gjykates Kushtetuese, vetem 7400 persona, perfitonin nje shume prej 1.2 miliarde leke ne vit.
Duke iu referuar ketij vendimi theksojme gjithashtu se vetem gjysma e fondit me te cilin sot shperblehen 11.517 persona, te cilet trajtohen me pensione te parakohshme per vjetersi sherbimi si ish-ushtarake, eshte sa dyfishi i fondit te pensioneve qe sot u shperndahet 180 mije pensionisteve ne fshat",- citohet ne reagimin e Ministrise se Financave.
Me tej, duke i dhene pergjigje fjales se kreut te Partise Socialiste, Edi Rama, si dhe pretendimeve te ushtarakeve, ministria shpjegon se pensionet suplementare nuk jane nje kontribut i paguar nga te punesuarit, por eshte nje fond qe del nga Buxheti i shtetit per trajtimin preferencial te ushtarakeve te dale ne pension te parakohshem.
Madje ne lidhje me kete, Financat bejne edhe nje krahasim midis perfitimeve te ushtarakeve dhe te nje punonjesi te thjeshte te cilet kane punuar nga 27 vjet.
"Sipas vendimit te Gjykates Kushtetuese, nje ish ushtarak qe nuk ka plotesuar moshen per pension dhe ka vetem 27 vjet pune perfiton nje page mujore te barabarte me 107 300 leke te reja ne muaj. Kjo kur nje nene qe ka punuar 27 vjet dhe nuk ka plotesuar vitet per pension, merr sipas ligjit vetem 7 960 leke.
Nderkohe qe qeveria ka kompensuar nga buxheti i shtetit diferencen, per te garantuar nje pension prej 11 400 leke per kete kategori", - vijojne me tej shpjegimin Financat duke shtuar se, buxheti i shtetit paguan per ish- ushtaraket qe trajton me pension te parakohshem edhe 11.2 per qind si kontribut per vjetersi deri sa keta shtetas te plotesojne vjetersine per te perfituar pensionin e pleqerise.
Akti Normativ i disa javeve me pare i qeverise, se pari ka bllokuara procesin e rillogaritje se pensioneve te ushtarakeve sipas vendimit te Gjykates Kushtetuese si dhe pritet te ule perfitimet e ketyre te fundit. Akti, parashikon perllogaritjen e pensionit duke marre per baze pagen mesatare referuese neto, nga e cila te jene zbritur te gjitha detyrimet, si tatimi mbi pagen apo kontributet shoqerore e shendetesore.