Flamurtari e Vllaznia zbresin në Ligën e Europës

Sot në Ligën e Europës do të zbresin në fushë Flamurtari dhe Vllaznia. Kuqezinjtë vlonjatë do të presin në qytetin e tyre skocezët e Madhëruell. Ndeshja do të luhet në orën 17 e 30 minuta dhe parashikohet që të ndiqet nga mijëra tifozë vlonjat. Ndërsa Vllaznia do të jetë e impenjaur në Austri ndaj Rapidit të Vjenës në një ndeshje që cilësohet si shumë e vështirë për shkodranët të cilët kanë edhe mungesa. Ndeshja do të luhet në Stadiumin Arnst Hapel në orën 19 e 15 minuta.