Fletet e 8 majit digjen me konsensus
Opozita ne Komisionin Qendror te Zgjedhjeve voton pro djegies se fleteve te votimit te 8 majit. Per here te pare pas disa perplasjeve shtate anetaret e opozites votuan ne unison pro djegies se fleteve te votimit te perdorura ne zgjedhjet lokale te 8 majit. Edhe pse perfaqesuesi i PS-se ne KQZ Eridian Salianji kerkoi mosmarrjen e nje vendimi te tille per shkak se kutite e Tiranes jane ne hetim nga prokuroria tre anetaret e KQZ-se votuan pro aktit duke gjetur nje kompromis mes tyre. Arsyeja e kompromisit eshte lenia nje muaj afat prokurorise me qellim se nese ka per te hetuar kutite e Tiranes mund te kete hapesire ta beje ate brenda 25 tetorit. Pikerisht ne kete date do te nise procesi i djegies se fleteve te votimit i cili zgjat deri ne naten e nderrimit te viteve me 31 dhjetor 2011. Kostoja e ketij projekti eshte 5.498.455 leke te reja. Per djegien e mbi 3.8 milione fleteve te votimit do te angazhohen 50 punetore te cilet do te paguhen gjithsej 3.106.364 leke. Gjithashtu do te angazhohen dhe 10 supervizore kostoja e pageses se punes ne te total do te shkoje ne 859091 leke. Per djegien e ketyre fleteve KQZ-ja do te shpenzoje 1 mije lira benzine sasi qe ajo e ka ne gjendje dhe nuk do te kryeje ndonje prokurorim. KQZ-ja sipas vendimit duhet te djege brenda 60 diteve materialin me flete e kunderflete per 15 mije kuti votimi me shkarkimin e ngarkimin e 5-6 tone leter ne dite per djegien e tyre. Keshtu nje punetor do te kete si norme ditore 10 kuti ne dite per ti djegur fletet e votimit. Ne fillim te mbledhjes perfaqesues i PS-se Eridian Salianji tha se ky akt nuk duhet te shqyrtohet per shkak se PS ka depozituar nje kallezim penal ndaj KQZ-se per fletet e votimit te Tiranes. Fletet e votimit nuk mund te digjen pasi ato jane objekt i kallezimit penal qe PS ka bere ne Prokurorine e Tiranes per sa i takon rezultatit per kryeqytetin. Fletevotimet jane prova e vetme qe faktojne manipulimin zgjedhor ne Bashkine e Tiranes dhe ato nuk mund te digjen pasi ato jane objekt i kallezimit penal qe PS ka bere ne Prokurorine e Tiranes per sa i takon rezultatit per kryeqytetin. Fletevotimet jane prova e vetme qe faktojne manipulimin zgjedhor ne Bashkine e Tiranes dhe ato nuk mund te asgjesohen pa u shprehur me pare prokuroria per kallezimin tone. Aty ndodhet krimi elektoral tha Salianji.
Kreu i KQZ-se Arben Ristani i kerkoi perfaqesuesit te opozites bazen ligjore ne lidhje me kete kerkese. Kam shume respekt per aftesite tuaja juridike por ju lutem me jepni bazen ligjore ku mbeshtesni kerkesen theksoi Ristani. Nga ana tjeter perfaqesuesi i Partise Demokratike ne KQZ Njazi Kosovrasti tha se drafti per djegien e fleteve te votimit eshte ne perputhje me ligjin ndersa arsyetimi i Partise Socialiste eshte i demshem pasi nuk ka nxitim per kete veprim por thjesht zbatim ligji. Nese keni per te ndryshuar gje nga 2006 te kalojme ne udhezimet perkatese. Se dyti drejtohuni prokurorise me nje leter per te sqaruar momentin e materialeve zgjedhore nese ajo shprehet se nuk i duhen materialet atehere te digjen nese nuk i duhet atehere te vendosim te digjen nenvizoi Subashi. Ka qene propozimi i anetarit Pandeli Varfi qe ti jepet nje muaj kohe prokurorise per te vendosur per kallezimin e PS-se qe ka perafruar palet dhe qe ka sjelle qe shtate votat ishin pro djegies se fleteve te votimit.