Fluks kamionesh ne Morine

Fuqizimi i bashkëpunimit tregtar mes Shqipërisë dhe Kosovës ka shtuar fluksin e kalimit të mallrave në pikën e kalimit kufitar të Morinës. Qindra kamionë të ngarkuar me mallra të ndryshme tregtare qëndrojnë në radhë kilometrike duke mos shmangur dot vonesat për përpunimin doganor dhe kalimin e tyre drejt destinacionit përfundimtar. 
Origjina e mallrave që kalojnë në Morinë, tashmë ka marrë hapësira të tjera gjeografike duke përfshirë të gjitha vendet e rajonit e më gjerë. Infrastruktura në territorin e Shqipërisë, së cilës po i shtohet së fundmi edhe terminali i madh i përpunimit të mjeteve e mallrave ka tërhequr vëmendjen e qindra bizneseve për veprimtari tregtare përmes kësaj pike kalimi kufitar. Por qëndrimi i gjatë në pikën e kalimit kufitar në pritje të procedurave doganore, shpeshherë po shoqërohet edhe me dëme të mallit apo karburanteve nga persona që shfrytëzojnë errësirën e natës. Punonjës të policisë dhe eskpertë të kriminalistikës, janë vënë në lëvizje pas denoncimit të shoferëve për të hetuar dhe arrestuar persona që kryejnë të tilla veprime.