Fluks ne Kakavije, 11 mije emigrante jane rikthyer ne Greqi

Gjirokaster - Fluksi i larte i kthimit te emigranteve per ne Greqi, ne doganen e Kakavijes ka vazhduar edhe diten e djeshme. Rreth 11 mije emigrante jane larguar dje, nepermjet pikes kufitare te Kakavijes per ne vendin helen. Sipas burimeve nga Drejtoria e Policise ne Gjirokaster, qysh ne oret e para te dites se djeshme ne doganen tone ne Kakavije eshte konstatuar nje fluks i larte i levizjes se emigranteve dhe automjeteve ne drejtim te tokes greke. Dyndja e emigranteve te cilet prinin qe te vulosnin dokumentet e tyre per t'u rikthyer serish ne Greqi, eshte regjistruar qe ne oren 08:15 te mengjesit te djeshem. Madje si shkak i fluksit te renduar ne oret e mengjesit radha e pritjes se automjeteve ne token shqiptare llogaritej ne rreth 2 km e gjate. "Gjate dites se diel dogana shqiptare e Kakavijes ka punuar me 8 sportele ndersa ajo greke me 5 te tille", thote zedhenesi i policise se Gjirokastres, Gentian Mullai. Nderkohe me gjithe rritjen e numrit te sporteleve si edhe punen e sforcuar nga stafet policore te te dyja doganave serish nuk eshte bere e mundur shmangja e oreve te pritjes. Emigranteve iu eshte dashur te presin rreth 3 ore nen rrezet perveluese te diellit te gushtit per te perfunduar perpunimin e dokumenteve ne doganen shqiptare dhe per te vazhduar udhetimin ne drejtim te Greqise. Ne kete situate policia i ka dhene perparesi perpunimit te autobuseve te pasagjereve per te vijuar me pas me automjetet e vogla. Nderkohe megjithese policia shqiptare dhe ajo greke kembengulin, qe emigrantet gjate udhetimit te tyre te perdorin edhe doganat e tjera kufitare me Greqine, serish Kakavija vazhdon te perballet me nje fluks ne rritje te emigranteve dhe automjeteve qe udhetojne per ne Greqi.

Blerim Kore