Formulare per pacientet, Kalo: Spitalet te shmangin gabimet Sonila Isaku

Ne raste te kryerjes se nje nderhyje kirurgjikale qe nga apandesiti i thjeshte e deri tek nderhyrjet me te komplikuara, si operacioni i gjendres tiroide, berjen e nje rezonance, heqjen e bajameve apo intevrentet ne sy duhet te merret patjeter pelqimi i pacientit. Ministria e Shendetesise udhezon qe perkatesisht ne 5 sherbime ne QSUT por dhe me gjere mjeku para se te beje nje nderhyrje tek pacienti duhet te kete pelqimin e ketij te fundit nepermjet “Letres Informative”. Ministri i Shendetesise, Halim Kosova ka kerkuar domosdoshmerish informimin e pacienteve mbi patologjine, llojin dhe interventin qe mund te kryhet. Kjo per te ditur rrezikun ndersa ne raste se pacientet jane femije, prinderit duhet patjeter te informohen nga mjeku. “Nje pacient me nje semundje kronike, do ta kete me te lehte parandalimin e komplikacioneve qe kjo semundje do te kete gjate rruges vetem ne qofte se ne ketij pacienti do ti japim dijet e duhura. Ne duhet ta edukojme ne menyre te tilla qe ai te marre nje pjese te mjekut dhe te keshillave per semundjet perkatese”- ka pohuar ministri i Shendetesise, Halim Kosova. Autoritet shendetesore vleresuan se si “Letra informative dhe marrja e pelqimit nga pacientet” si dhe “Programet per edukimin terapeutik te te semureve me semundjet kronike ne spital” e vendosin pacientit ne qender te sistemit shendetesor. “Letra informative qe mjekesia, sistemi shendetesor duhet te kete per cdo lloj nderhyrje ose per cdo lloj mjekimi. Kjo eshte nje hallke shume e rendesishme pasi ketij pacienti ne duhet ti bejme te ditur bashkepunimin qe ka me mjekun, ne menyre qe te marre informacionin e duhur dhe te bindet per ate cka duhet te beje”, -ka pohuar Kosova. Nderkohe qe pacientet shqiptare gjithnje e me shume jane te painformuar nga personeli shendetesor per diagnozat e tyre dhe menyren e trajtimit qe duhet te ndjekin. Ky konstatim vjen nga vete perfaqesuesit e shendetesise, te cilet shprehen se nga ky mos informim paraprak shpeshhere jane shkaktuar edhe konflikte mes pacienteve dhe mjekeve. Vetem vitin e kaluar, Instituti i Sigurimeve te Kujdesit Shendetesor si pasoje e pretendimeve qe kane ngritur pacientet per gabime nga ana e mjekeve ka humbur rreth 300 mije euro. Per te shmangur kete ne pese sherbimet kryesore ate te urgjences, kirurgjise, imazherise, okulistikes dhe ORL do te aplikohen letrat informative, ne te cilat do te shenohet edhe pelqimi paraprak i pacientit perpara se te ekzaminohet. “Ne kemi mangesi ne informimin e pacienteve, nuk japim informacion para se te bejme dicka ne te mire te tyre. Firma u merret pacienteve pa informuar hollesisht dhe kur merret dokumentimi eshte shume i qarte. Nuk ka hollesira qe te themi qe pacienti i kuptoi ato qe i thame dhe eshte i ndergjegjshem per ate. Kjo natyrisht prodhon konflikte",- tha Isuf Kalo, drejtor i QKCSA-ish. Nga ana tjeter perfaqesuesit e Shendetesise ngrejne shqetesimin se edhe karta e pacientit nuk zbatohet.

Demet

Vetem vitin e kaluar, Instituti i Sigurimeve te Kujdesit Shendetesor si pasoje e pretendimeve qe kane ngritur pacientet per gabime nga ana e mjekeve ka humbur rreth 300 mije euro. Per te shmangur kete ne pese sherbimet kryesore ate te urgjences, kirurgjise, imazherise, okulistikes dhe ORL do te aplikohen letrat informative, ne te cilat do te shenohet edhe pelqimi paraprak i pacientit perpara se te ekzaminohet.

Fletet informative do te jene per:

Urgjenca e kirurgjise (Apendesiti akut, Mbyllja e hernies inguinale ose femorale tek te rriturit)

Sherbimi i kirurgjise speciale ( Operacioni i gjendres tiroide)

Sherbimi i Imazherise (Rezonanca Magnetike, Tomografia e kompjuterizuar (CT-Skan),

Sherbimi i Okulistikes (Katarakti, Glaukoma),

Sherbimi i ORL (Devijimi i Septum Nasi, Adeno-tonsilektomia (Heqja e bajameve))