Formulari A3, sot nis shperndarja per maturantet Sonila Isaku

Ministria e Arsimit do te publikoje sot Formularin A3 se bashku me rregulloren per plotesimin e tij. Ky formular do te shperndahet per te gjithe maturantet qe kane rezultuar mbetes ne provimet e detyruara dhe ato me zgjedhje, ata qe per shume arsye nuk kane dhene nje apo me shume provime, si dhe maturantet qe nuk kane plotesuar Formularin A1. Per rrjedhoje, mesohet se kaluesit e ketyre lendeve mund te plotesojne nje formular te trete, A3, per te konkurruar ne universitetet e vendit. "Ndryshe nga nje vit me pare, kur me A3 aplikuan vetem maturantet qe kishin plotesuar Formularin A2 dhe nuk figuronin te regjistruar ne asnje program studimi edhe pas mbylljes se fazes perfundimtare te regjistrimeve, sivjet Formularin A3 do te kene te drejte ta plotesojne jo vetem maturantet qe nuk jane shpallur fitues gjate raundit te pare, por edhe mbetesit qe quhen kalues ne provimet e vjeshtes, sikurse edhe maturantet qe e kane mbaruar shkollen e mesme jashte vendit",- thuhet ne vendimin me te fundit te MASH-it. Zyrtarisht sqarohet se ne Formularin A3 do te listohen me pak programe studimi se ne ate te preferencave, ku pjese te rendesishme do te zene sidomos deget e paperzgjedhura nga maturantet ne Formularin A2. Nderkohe, ne plotesimin e ketij formulari do te perfshihen tre kategori: ata qe nuk kane fituar ne asnjeren prej fazave te formularit A2; ata qe jane shpallur fitues ne fazen e pare, jane regjistruar per te vazhduar garen dhe jane ngjitur ne preference, dhe nuk kane shkuar te regjistrohen; dhe kategoria e trete eshte kategoria e mbetesve. Nga A3 do te perjashtohen te gjitha programet qe quhen elitare si: teknologji informacioni, stomatologji, mjekesi e pergjithshme; te gjitha ato qe preferohen shume dhe qe piket e fituesve te fundit ketu jane mbi 5500 - 5600. Krahas rreth 6.000 maturanteve mbetes ne Maturen Shteterore 2011, qe kaluan provimet e vjeshtes, ky formular mund te perdoret dhe nga maturantet qe e kane mbaruar shkollen e mesme jashte vendit. Formulari A3 u jep mundesi maturanteve te kandidojne e te fitojne te drejte studimi vetem ne programet ku ka hapesire.

Megjithate, sqarohet se kandidatet qe do te vendosin te plotesojne Formularin A3, do te kene ne dispozicion me pak kohe sec kishin per plotesimin e A2-shit. Specialistet theksojne se ky afat do te jete me i shkurter, per te mos humbur kohe, ne menyre qe kandidatet qe do te shpallen fitues, te mos mbeten mbrapa ne leksione e seminare. Kjo duke qene se viti i ri akademik ka nisur pak dite me pare.