Franca: Të pezullohen fluturimet drejt Meksikës

Paris - Franca pritet t’i propozojë sot Bashkimit Evropian një takim të menjëhershëm ku të vendoset për pezullimin e fluturimeve në drejtim të Meksikës, me qëllimin për të parandaluar përhapjen e mëtejshme të gripit të derrave.

Ministrja franceze e Shëndetësisë, Roselyne Bachelot, deklaroi pas një takimi që u zhvillua në Paris, se kjo masë duhet të merret urgjentisht.

Simptomat e përhapjes së gripit të derrave janë shfaqur në disa vende të Evropës, mes të cilave janë: Austria, Gjermania, Franca, Anglia, etj.