Franca arrestoi një kriminel serb
Nga Express më 01 shkurt 2011 në ora 14:00
Është arrestuar në Francë një pjesëtar i njësitit paramilitar serb, i cili e kishte filmuar ekzekutimin e boshnjakëve afër Srebrenicës në vitin 1995.
Prokuroria për krime të luftës në Beograd tha se 47 vjeçari Miodrag Momqç është arrestuar në Grenobël, ku fshihej me identitet të rremë.
Pjesëtari i njësitit "Skorpionët" kërkohej nga Serbia, ndërsa Interpoli kishte lëshuar fletëarrest ndërkombëtar kundër tij, nën akuzat për krime lufte në Bosnje në vitin 1995.
Videoja e ekzekutimit u shfaq në vitin 2005, gjatë gjykimit të ish-presidentit serb Slobodan Milosheviq në Tribunalin e Hagës.
Katër anëtarët tjerë të njësitit u dënuan në vitin 2007 në Beograd me 13 deri 20 vjet burg.