France Strauss-Kahn ngre padi gjyqesore
Ish-shefi i Fondit Monetar Ndërkombëtar, Dominique Strauss-Kahn dhe bashkëshortja e tij njoftuan të martën për ngritjen e një padie ndaj një këshilltari të presidentit Sarkozy dhe ndaj disa mediave franceze, për thyerje të së drejtës së privacisë dhe shpifje.
Avokatët e njeriut që konsiderohej potencialisht si kandidati më i rrezikshëm për Sarkozy në zgjedhjet presidenciale të vitit 2012, deri përpara skandalit të abuzimeve seksuale, e kishin paralajmëruar një lëvizje të tillë kohë më parë.
Henri Guaino, ndihmësi i afërt i presidentit francez, deklaroi në një televizion kombëtar se “e drejta e jetës private nuk mund të merret më parasysh kur gjatë saj kryhen aktivitete kriminale”.
Nga ana e tyre, gazetat vendosen në akuzë për spekulimet e shumta për një divorc të mundshëm të Strauss-Kahnit apo për publikimin e historive të supozuara të abuzimeve të tjera seksuale të 62-vjeçarit.
Procesi ndaj ish-drejtuesit të FMN-së u shndërrua në një prej më mediatikëve në histori, pasi një punonjëse e një hoteli në SHBA e akuzoi për tentativë përdhunimi. Megjithatë, ai u shpall i pafajshëm nga gjykata që mori në shqyrtim çështjen, në Nju Jork.
Hetimet për një tjetër ngacmim seksual në Francë, këtë radhë ndaj një shkrimtareje, gjithashtu u tërhoqën në muajin gusht.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Zjarri në Tiranë, qindra miliona të shkrumbuar
Arrestohet pronari i fishekzjarreve
Procedurat e reja të pasaportave
Shqipëria, një vend ku vidhet edhe mendimi
Mbrëmjet e Berlusconi-t, shtyhet gjyqi kundër tre personave
Sabri Godo shtrohet në spital