Francë, rritja e numrit të azilantëve, firmoset protokolli mes qeverisë dhe ambasadës
Numri i shtetasve shqiptarë që rezultojnë me qëndrim të paligjshëm, apo që kryejnë veprimtari të jashtëligjshme në Francë që nga vera e vitit të kaluar, është rritur ndjeshëm.
Këtë fakt e ka konfirmuar ambasadorja e Francës në Tiranë, Kristinë Moro gjatë nënshkrimit të protokollit me Ministrinë e Brendshme për ripranimin e personave me qëndrim të paligjshëm.
Ministri i Brendshëm Flamur Noka pas nënshkrimit të këtij protokolli u shpreh se Shqipëria është e angazhuar të respektojë lirinë e lëvizjes së lirë në zonën Shengen dhe për këtë qëllim është shteti i parë në rajon që nënshkruan një marrëveshje të tillë.
Në këtë kuadër, Shqipëria mbetet vendi i parë në rajon që ka nënshkruar marrëveshje ripranimi me vendet e hapësirës Shengen. Pra mbetet vendi i parë që ka nënshkruar një marrëveshje të tilla duke marrë përsipër me shpenzimet e saj kthimin e cdo abuzuesi me kriteret e azil-kërkimit. Ne mbetemi të angazhuar në mbrojtjen e kësaj arritje madhore për shqiptarët sic është lëvizja e lirë në hapësirën Shengen, tha ministri Noka.
Ambasadorja Moro, duke konstatuar problematikën me shtetasit shqiptarë, u shpreh e bindur se autoritetet e dy vendeve nuk do të lejojnë që një pakicë të rrezikojnë lëvizjen e lirë të shumicës së shqiptarëve.
8 prill 2013 (gazeta-Shqip.com)
Francë, rritja e numrit të azilantëve, firmoset protokolli mes qeverisë dhe ambasadës burimi: Gazeta S H Q I P Gazeta SHQIP Abonohuni me Email