Fratini Mazhoranca dhe opozita te punojne per reformat
Ish-kreu i diplomacise italiane pershendet marreveshjen
E nevojshme te punohet per reformen elektorale dhe rregullat e Parlamentit
Ish-kreu i diplomacise italiane Franko Fratini pershendet marreveshjen mes mazhorances dhe opozites per te bashkepunuar ne kuader te reformave integruese. Fratini thekson se eshte e nevojshme te vijoje puna per reforma te rendesishme si ajo elektorale rregullat per funksionimin e Parlamentit por edhe per te crrenjosur korrupsionin ne institucionet publike. Sipas ish-kreut te diplomacise italiane situata e pergjithshme evropiane e ben te nevojshme qe cdo vend te jete i gatshem te ofroje me shume. Fratini ka komentuar me tej edhe vendimin e fundit te BE-se per te mos i dhene statusin Serbise ndersa thekson se kjo favorizoi ekstremistet e ketij vendi te kundershtonin hyrjen ne Bashkimin Evropian.
Deklarata
Shqiperia ka nevoje per reforma dhe klima e re mes dy forcave kundershtare mazhorances se Kryeministrit Berisha dhe opozites se socialiste te Edi Rames eshte per tu vleresuar - ka deklaruar ish-shefi i diplomacise italiane Franko Fratini ne nje interviste per nje agjencine e lajmeve NOVA ku flet gjeresisht per integrimin e Ballkanit Perendimor. Sipas Fratinit vendi yne ka nevoje per reforma te perbashketa duke nisur qe nga mekanizmat e forte te Parlamentit rregullat per te crrenjosur korrupsionin brenda institucioneve publike dhe natyrisht reforma elektorale. Duke folur per integrimin e Ballkanit Perendimor ish-ministri i Jashtem italian shprehet se lodhja e disa vendeve evropiane po krijon shume probleme ne kete drejtim duke theksuar se kur kerkohet me shume duhet te jesh i gatshem te ofrosh me shume. Fratini permend edhe veprimin e lidereve te BE-se per te mos i dhene statusin e vendit kandidat Serbise duke thene se ishin Austria dhe Gjermania ato qe i vendosen vulen ketij vendimi ne te cilin pa dyshim qe ndihmuan ne tensionet e fundit ne veri te Kosoves. Ai ben thirrje per kujdes ndaj ekstremisteve antievropiane duke thene se shtyrja e statusit kandidat favorizoi ekstremistet serb qe kundershtojne hyrjen ne BE. Fratini shprehet i zhgenjyer me vendimin e BE-se dhe pret qe ne shkurt ministrat e Jashtem te japin nje vendim pozitiv ndaj Serbise.