"Ftoj Ramen per dialog ne Kuvend"
Rozeta Rapushi
Ne bilancin e punes se qeverise se tij, kryeministri Sali Berisha, iu drejtua opozites, se me bojkotin e saj i privoi vetes shansin historik per te qene bashkautore, ne reformat e integrimit. I palekundur ne qendrimin e tij dhe te qeverise, se kutite e votimit te 28 Qershorit, nuk do te hapen, pasi nuk mund te dilet mbi vendimet e gjykatave, kryeministri i beri serish thirrje socialisteve per dialog dhe rikthimin ne Kuvend. "Kryetari Rama duket se mbrapshtesisht mendoi se nepermjet bojkotit do t'i bente thirrje ndergjegjes se Evropes, qe te pengonte vendimet e rendesishme te marra per Shqiperine. Vendimet u moren, sepse Brukseli dhe Evropa konstatoi se, bojkoti i opozites, eshte pa kauze demokratike. Se me kete bojkot kerkohet t'i vihet kazma ne themel demokracise", akuzoi Kryeministri. Sipas tij, Rama po kerkon qe ta ktheje Parlamentin ne nje gjykate. "Uroj te shoh dhe shpresoj, se vendimet e medha historike te mara per Shqiperine edhe pa opoziten, te bejne zotin Rama te nxjerre mesimet e duhura. Une e garantoj nga ana ime, se jam i vendosur drejt integrimit dhe reformat, ndaj i ftoj qe keto procese t'i bejme bashkerisht", beri serish thirrje kryeministri. Sipas Berishes, kreu i qeverise nuk eshte mbret qe te detyroje opoziten te vije ne Parlament. "Une kam detyrimin tim madhor ta ftoj. Por nuk mund te pranoj kurre ne mungese te procedurave juridike, kerkesa te tilla te opozites si hapja e kutive te votimit", tha Kryeministri. Ai theksoi edhe nje here, se Shqiperia nuk do te mund te penalizohet kurre se Edi Rama kerkon hapjen e kutive te votimit. Madje ai i beri thirrje deputeteve socialiste, qe te heqin dore sa me pare vete nga bojkoti, sepse nuk do te mund te behen te rendesishem me metoda te tilla. "Zerat e Bashkimit Evropian i kane bere nje apel te qarte opozites bojkotuese, qe te dialogoje ne Parlament. Qeveria ka detyrim madhor te ofroje thirrje per opoziten, por Parlamenti nuk merr kurre atribute te pushtetit gjyqesor. Shpresoj qe opozita te degjoje, sepse nuk bojkoton per kauze demokratike. Jam i hapur per dialog", vijoi Kryeministri. Per te disaten here, kreu i qeverise Berisha, qe nje pjese te fjalimit te tij per 100 ditet e para te qeverise, ia dedikoi opozites, i shtriu doren per dialog, por duke theksuar se dialogu zhvillohet sipas rregullave baze. "Rregullat baze, nuk jane as te miat, as te Rames. Si mund te vendose Parlamenti te hap kutite. Cdo te ndodhe neser, kur nje lob tjeter me fuqi ne Parlament, do te kerkoje te gjykoje nje ceshtje tjeter gjyqesore. Cdo te behet nese neser kerkohet qe Aldo Bare te lirohet. Jane interesa teresisht jo demokratike", beri te qarte edhe nje here kryeministri.
Thirrja
Kryeministri Sali Berisha i beri thirrje edhe nje here dje opozites te rikthehet ne Kuvend dhe te dialogoje. Duke theksuar se kutite e votimit nuk do te mund te hapen, pasi nuk dilet mbi vendimet e gjykatave.