Fullani: Fushata me efekte ne ekonomi, por reformat jane nxitese Eglantina Nasi
Fushata elektorale e zgjedhjeve te 23 qershorit, pritet qe te shoqerohet me efekte ne ekonomine shqiptare. Por pavaresisht tyre, reformat fiskale te ndermarra nga qeveria gjate muajve te pare te ketij viti, do te japin efekt nxites ne kuadrin e saj. Nje fakt te tille e ka bere me dije vete Guvernatori i Bankes se Shqiperise, Ardian Fullani, gjate nje dalje publike ku ka komunikuar ecurine e treguesve kryesore makro-ekonomike te vendit. E cila sipas tij, edhe pse poshte potencialit te tyre real, serish paraqiten pozitive dhe te qendrueshem. Nga ana tjeter, kreu i BSH-se, lidhur me fushaten elektorale ne te cilen gjenden partite politike per zgjedhjet e 23 qershorit, theksoi se me e rendesishme eshte qe programet elektorale te tyre, te paraqesin siguri per nje zhvillim te qendrueshem ekonomik vitet e ardhshme. Nderkaq, ne detaje, treguesit sipas tij, gjate pjeses se pare te ketij viti, kane folur per nje ekonomi shqiptare e cila vijon te karakterizohet nga kapacitete te lira ne faktoret e prodhimit, perkthyer kjo, ne nje trend rrites te prodhimit. “Te dhenat e fundit ekonomike e monetare tregojne se presionet inflacioniste vazhdojne te jene te dobeta. Cmimet e mallrave dhe te sherbimeve te tjera te shportes se konsumit nuk kane pesuar luhatje te medha, duke qendruar rreth niveleve te verejtura gjate muajve te kaluar”, tha me tej guvernatori Fullani, lidhur me ecurine e treguesit te inflacionit. Teksa ka referuar edhe se gjithsesi, dobesia e aktivitetit ekonomik eshte mbartur edhe ne muajt e pare te vitit 2013. ‘Ne balance, te dhenat e disponuara tregojne per ecuri te ngadalte te konsumit dhe te investimeve private”, informoi ai. Duke e shoqeruar kete konstatim me faktin tjeter se rritja ekonomike ne muajt e pare te ketij viti vleresohet te kete gjetur mbeshtetje kryesisht ne kerkesen e huaj dhe ne kerkesen e sektorit publik. Ndersa lidhur me politiken fiskale te aplikuar nga qeveria, ai do te pohonte se ajo ka patur “nje natyre stimuluese ne kater muajt e pare te vitit, e reflektuar kjo ne rritje vjetore te deficitit buxhetor dhe te shpenzimeve publike gjate kesaj periudhe”. “Banka e Shqiperise veren se politika afatmesme dhe afatgjate fiskale duhet te orientohet me shume drejt ruajtjes se qendrueshmerise se borxhit publik. Permbushja e ketij objektivi ndihmon ne uljen e pasigurise dhe te primeve te rrezikut”, ka perfunduar fjalen e tij Fullani.