Fullani ne Bruksel: Politika urgjente per nje model te ri zhvillimi

Krijimi i nje modeli me rritje te qendrueshme ekonomike, kerkon politika urgjente qe do te inkurajonin terheqjen e investimeve te huaja direkte dhe te flukseve jobankare, tha Guvernatori i Bankes se Shqiperise, Ardian Fullani ne konferencen "Ballkani Perendimor: Kalimi i krizes - nga bashkepunimi rajonal ne integrimin evropian", organizuar nga Komisioni Evropian ne Bruksel. "Modeli i rritjes se rajonit duhet te jete me i sigurt ne vetvete, duke e vene theksin tek kursimet vendase, tek mobilizimi me i mire i burimeve te punes dhe tek roli me i madh i sektorit te mallrave te tregtueshme, si lokomotive e rritjes. Strukturat e Bashkimit Evropian duhet ta orientojne, mbikeqyrin dhe vleresojne procesin e zhvillimit rajonal nga afer",-tha Fullani. Sipas tij kjo eshte rruga e vetme per t'i kthyer vendet tona ne ekonomi prodhuese me produktivitet te larte, atraktive per te gjithe investitoret e huaj, ne kushtet e ekzistences te nje kostoje pune ende te leverdishme. Ky proces kerkon politika zhvillimi dhe politika makroekonomike qe shmangin rrezikun, gershetim te bashkerenduar politikash, bashkepunim me te fuqishem me vendet e tjera, si dhe perpjekje te bashkerenduara per rritjen e cilesise se reformave strukturore. Reformat strukturore per permiresimin e mjedisit te biznesit do te ndihmojne ne rritjen e flukseve te reja hyrese te kapitalit dhe do te cojne drejt nje rritje te fuqishme dhe te qendrueshme, tha Fullani, para eksperteve te Komisionit Evropian. Ne kete drejtim (dhe ne driten e mesimeve te nxjerra nga kriza e koheve te fundit), vendet mund te perdorin me mire procedurat e mbikeqyrjes fiskale te zbatuara prej BE, si mekanizma te qarta angazhimi, ne politikat ekonomike. Vendet kandidate e potencialisht kandidate nga njera ane dhe Komisioni Evropian nga ana tjeter, kane mundesi ta transformojne kete proces mbikeqyrjeje, mundesisht te pasuruar me informacione e te dhena analitike (nga FMN), ne nje ankore te jashtme efeciente.