Furrat, rritje cmimit te bukes

Si e perjetojne konsumatoret rritjen e ketij produkti, i cili eshte nevoje e perditshme
Pothuaj te gjithe furrat e kryeqytetit kane rritur cmimin e bukes dhe produkteve te brumit. Edhe pse Autoriteti i Konkurrences ka deklaruar se cmimi i grurit nuk eshte rritur, furrat nuk kane ngurruar qe t'u shtojne nga 10 leke bukeve me peshe 750 gram. Edhe ato pak furra qe ruajne me fanatizem cmimin e vjeter, e reklamojne kete fakt si te ishte nje okazion i madh: "Ketu, buka vetem 60 leke", reklamojne furrtaret ne xhamat e objekteve te tyre te biznesit.
Furrat
Nje buke 740 grameshe, ne furrat e kryeqytetit kushton 70 leke. Kjo, ne rastin me te mire, pasi ka edhe nga ata qe kane filluar te nderhyjne ne peshen e bukes, duke e zvogeluar pak e nga pak ate. "Eshte rritur cmimi i miellit", e justifikojne furrtaret rritjen e cmimit te bukes. Ata qyq denjojne te pergjigjen, pasi ka edhe nga ata qe shprehen se jane thjesht te punesuar dhe kane marre urdher per ta shitur buken 10 leke me shtrenjte. Faji per nje vendim te tille i eshte lene rritjes se cmimit te miellit. Sipas pronareve te furrave, nje kv miell kushton 1 mije leke me shume se nje jave me pare, duke cuar ne domosdoshmerine per te rritur cmimin e bukes. Por, Autoriteti i Konkurrences deklaroi dy dite me pare se Rusia nuk e ka bllokuar eksportin dhe se gruri vendas nuk ka pesuar asnje lloj rritjeje. Pavaresisht ketij fakti, pronaret e furrave kane nxituar te rrisin cmimin e produkteve qe ata shesin. Edhe ato pak furra qe aplikojne cmimin e vjeter, e reklamojne kete fakt si te ishte ndonje okazion, apo oferte per ulje sezonale.
Qytetaret
Ata duken mjaft te irrituar. "Duke qene se ketu nuk ka nje strukture eficente qe te kontrolloje tregun, atehere shitesit bejne si te duan. Po te gjobiteshin nje here te vetme, ashtu sic eshte folur, atehere do ta shihnim nese do te guxonin ta benin dicka te tille", thote Bardha Tare, e cila po blen buke ne nje furre prane Maternitetit te Ri, ne Tirane. Te tjere shprehen se furrtaret e dine fare mire se buka eshte nje element i domosdoshem ne tryezat e shqiptareve, dhe duke e ditur se ata gjithsesi nuk do te rrine pa e blere, shfrytezojne rastin per te bere cfare te duan me klientet. Sipas tyre, kjo eshte nje padrejtesi e madhe, per te cilen duhen marre masa. "Jemi 6 pjesetare ne familje dhe blejne nje buke e gjysme ne dite, pra 105 leke te reja cdo dite", thote nje grua rreth te gjashtedhjetave.

70
Leke
Kushton nje buke 750 grameshe. Qytetaret kane deklaruar se jane shume skeptike edhe per peshen e deklaruar te bukes, pasi ato vijne duke u zvogeluar perdite pak e nga pak. Ata i kerkojne Autoritetit te Konkurrences qe te marrin masa shtrenguese ndaj furrave.

Ndeshkimi
Pak dy dite me pare, komsioneri i Autoritetit te Konkurrences Koco Broka, deklaroi se institucioni ne fjale eshte duke monitoruar vazhdimisht situaten. Sipas tij, nese verehet rritje artificiale e cmimit te bukes, atehere do te vendosen gjoba.