Fushata, shënohet incidenti i radhës në Korçë

Shënohet incidenti i radhës i fushatës zgjedhore. Në orët e para të mëngjesit, në lagjen 8, rruga Vangjel Kocilemi në qytetin e Korçës, tek një lokal, një pjesë e të cilit është përshtatur si  zyre elektorale e subjektit politik të Partiëe Socialiste, është konstatuar thyerja e një xhami të këtij objekti. Pas marrjes së njoftimit, është ngritur grupi hetimor i cili ka shkuar në vendin e ngjarjes për të hetuar në lidhje me këtë ngjarje dhe në bashkëpunim me Prokurorinë e Korçës, po kryhen veprimet proceduriale dhe hetimore. Paraprakisht, forcat policore kanë ngritur dyshimin se ky mund të jetë një incident i radhës i fushatës elektorale, ashtu siç është vënë re në disa raste me thyerje dhe dhunim të zyrave elektorale të subjekteve politike. Ndërkohë, me afrimin e datës së zgjedhjeve janë shënuar shumë incidente si me thyerje zyrash të subjekteve politike, heqeje posterash, madje u shënua edhe incidenti i parë i rëndë ku humbi jetën një qytetër në rrethin e Durrësit.