Galiani: Murinjo te Milani? Kurrën e kurrës

Administratori i deleguar i Milanit, Adriano Galiani, ka theksuar se Hoze Murinjo nuk do të jetë kurrë trajner i kuqezinjve: "Një si Murinjo nuk do të mundet kurrë të stërvitë Milanin, mbi të gjitha sepse e kemi marrë vendimin që kjo skuadër të drejtohet vetëm nga milanistë. Polemikat mes Interit dhe Juventusit? Do të duhet të ulim tonet, këto polemika nuk i bëjnë mirë futbollit tonë". Ndërsa për trajnerin e zikaltërve flitet për një largim të mundshëm në fund të sezonit, vetë Murinjo e ka hedhur poshtë një mundësi të tillë, edhe pse gjatë sqarimit të tij është munduar të lënë një derë të hapur për ndonjë surprizë të mundshme.