Gara per pasuesin e Karamanlis ne Greqi

Disfata qe Demokracia e Re pesoi ne zgjedhjet parlamentare te se dieles ka tronditur fort konservatoret greke, te cilet kane nisur pergatitjet per reformimin e partise. Kryeministri Kostas Karamanlis mori te gjitha pergjegjesite e humbjes duke dhene doreheqjen nga drejtimi i forces politike qe ai e udhehoqi per 13 vjet. Shanset per rikandidimin e tij jane te pakta, por nje gje e tille nuk perjashtohet. Kjo levizje e tij ka gjalleruar te gjitha skenaret mbi pasuesin e mundshem te tij ne krye te Demokracise se Re. Dora Bakojanis nje prej figurave qendrore te partise, ish-kryetare e Bashkise se Athines dhe disa here ministre e Jashtme eshte nje prej emrave qe mund t'i paraqitet kongresit te jashtezakonshem zgjedhor brenda 10-diteshit te pare te muajit nentor. Per vete karrieren e saj politike dhe mbeshtetjen brenda radheve te konservatoreve nga koha kur babai i saj Kostandinos Micotakis ishte kryeminister, Bakojanis shihet si kandidade potenciale per te marre kreun e Demokracise se Re. Ajo deklaroi menjehere pas daljes se rezultateve se Kostas Karamanlis tregoi se eshte nje lider i madh dhe Demokracia e Re eshte krenare per te. Dy kandidate te tjere per kreun e Partise jane ish-ministri i Jashtem ne qeverine Micotakis ne vitin '91 Antonis Samaras dhe ish-kryetari i Bashkise se Athines Dimitris Avramopulos. Do te jete kongresi i jashtezakonshem i fillim-nentorit qe do te zgjidhe dilemen e madhe, brenda konservatoreve se kush do te jete lideri qe do te ktheje serish ne opozite kreun e PASOK-ut, Jorgo Papandreu.